Savdo psixologiyasi
Xaridor do‘konga faqat ko‘rish uchun kirgan, ammo sotuvchi unga bosim qilmasdan mahsulotlarni tanishtirdi. Bu qanday yondashuv?
Maslahatchi savdo yondashuvi.
Xaridor olgan ko‘ylagining tugmasi uzilganini sezdi. Sotuvchi birinchi navbatda nima qilishi kerak?
Uzr so‘rab, mahsulotni tekshirish va qonuniy yechim taklif qilish.
Xaridor do‘konga kelmasdan turib mahsulotni buyurtma qildi. Bu savdoning qaysi shakli?
Elektron savdo.
Mahsulot 80 000 so‘mga olinib, 110 000 so‘mga sotildi. Xarid va sotuv narxi orasidagi farq qancha?
30000 so‘m yalpi narx farqi.
Sotuvchi xaridor bilan gaplashayotganda telefonda yozishmoqda. Xizmatning qaysi talabi buzilmoqda?
Xaridorga e’tibor va professional muomala talabi.
Xaridor qimmat mahsulotni emas, o‘ziga qulayini tanladi. Bu nimani ko‘rsatadi?
Xarid qaroriga shaxsiy ehtiyoj va qulaylik ta’sir qilishini.
Dukonda navbat uzun, xaridorlar norozi. Xizmatni yaxshilash uchun qanday chora ko‘rish mumkin?
Qo‘shimcha kassani ochish yoki xodimlarni navbatga yordam berishga yo‘naltirish.
Onlayn do‘konda mahsulot rasmi chiroyli, ammo tavsifi noto‘g‘ri. Bu qanday xavf tug‘diradi?
Xaridor ishonchi pasayishi, shikoyatlar va qaytarishlar ko‘payishi.
Do‘kon savdoni ko‘paytirish uchun barcha mahsulotlarga chegirma berdi, lekin foydasi kamaydi. Buning sababi nima bo‘lishi mumkin?
Chegirma natijasida har bir mahsulotdan olinadigan foyda kamaygan.
Do‘konda narxlar aniq ko‘rsatilgan va yo‘laklar toza. Bu xaridor uchun qanday qulaylik yaratadi?
Kerakli mahsulotni oson topish va ishonchli xarid qilish imkonini.
Ikki do‘konda bir xil narx, ammo xaridor doim birinchisiga qaytadi. Buning ehtimoliy sababi nima?
Yaxshi xizmat, ishonch va ijobiy xarid tajribasi.
Narx yorlig‘ida 150 000 so‘m, kassada esa 170 000 so‘m chiqdi. Sotuvchi nima qilishi kerak?
Narx tafovutini tekshirib, xaridorga aniq tushuntirish va amaldagi qoidalarga muvofiq hal qilish.
Savdo dasturi qaysi mahsulot tez sotilayotganini ko‘rsatadi. Bu ma’lumot sotuvchiga qanday yordam beradi?
Zaxirani rejalashtirish va talab yuqori mahsulotlarni vaqtida to‘ldirishga.
Bir kunda 40 ta mahsulot 75 000 so‘mdan sotildi. Jami tushum qancha?
3.000.000 som
Xaridor mahsulot haqida savol berdi, sotuvchi javobni bilmaydi. Eng to‘g‘ri yo‘l nima?
Taxminiy javob bermasdan, ma’lumotni tekshirish yoki mas’ul xodimdan so‘rash.
Sotuvchi xaridorning gapini bo‘lmasdan tingladi. Bu qaysi muhim xizmat ko‘nikmasi?
Faol tinglash.
Xaridor chegirma tugaganini bilmay, eski narxni talab qildi. Nizo chiqmasligi uchun nima qilish kerak?
Chegirma muddatini xushmuomalalik bilan tushuntirish va mavjud takliflarni ko‘rsatish.
Xaridor QR-kodni skanerlab to‘lov qildi. Bu qanday to‘lov usuli?
Qr-kod orqali elektron, naqd pulsiz to‘lov.
Mahsulot ko‘p sotilyapti, lekin ombor tez-tez bo‘shab qoladi. Qaysi boshqaruv jarayonini yaxshilash kerak?
Tovar zaxirasi va ta’minot rejalashtirishini.
Xaridor xizmatdan mamnunligini internetda yozdi. Bu do‘konga qanday foyda keltirishi mumkin?
Obro‘ va yangi xaridorlar ishonchini oshirishi mumkin.
Xaridor mahsulotni yoqtirdi, lekin sotib olishga ikkilanmoqda. Uni majburlamasdan qanday yordam berish mumkin?
Ehtiyojini aniqlash, foyda va kamchiliklarni tushuntirish hamda tanlashga vaqt berish.
Bir xaridor mahsulotni qaytarishni xohlaydi, ikkinchisi esa navbatda kutmoqda. Xodim qanday yo‘l tutishi kerak?
Qaytarish talabini belgilangan tartibda ko‘rib chiqib, navbatdagi xaridorlarga ham xizmat ko‘rsatishni tashkil etish.
Do‘kon sun’iy intellekt yordamida xaridorlarga mahsulot tavsiya qilmoqda. Qanday xavfsizlik masalasiga e’tibor berishi kerak?
Shaxsiy ma’lumotlarni himoya qilish va tavsiyalarni adolatli hamda shaffof tashkil etish.
Do‘konning tushumi oshdi, ammo sof foydasi kamaydi. Qaysi ko‘rsatkichlarni tekshirish kerak?
Tovar tannarxi, ijara, ish haqi, yetkazib berish va boshqa xarajatlarni.
Savdo korxonasi bir vaqtning o‘zida tezlik, xushmuomalalik va aniqlikni qanday muvozanatlashtirishi mumkin?
Xodimlarni o‘qitish, xizmat standartlarini joriy etish va jarayonlarni to‘g‘ri tashkil qilish orqali.