საკლასო დისკუსია
რამდენი სახის გარემოში შეიძლება წარიმართოს საკლასო დისკუსია და ჩამოთვალეთ ისინი.
დისკუსია შეიძლება წარიმართოს 2 სახის გარემოში, ესენია:
1. თანამშრომლობითი ჯგუფური მუშაობის დროს მოსწავლეებს შორის.
2. მასწავლებელთა და მოსწავლეებს შორის.
რაში ეხმარება მასწავლებელს შედეგზე ორიენტირებული კითხვები?
მასწავლებელი იგებს, თუ რამდენად შეუძლია მოსწავლეს კონკრეტული პრობლემისათვის გამოსავლის მოძებნა.
რას შეიძლება ნიშნავდეს, ინფორმაციის გაზიარების ნაკლებად განვითარებული უნარები?
როდესაც მოსწავლე ვერ ფლობს საკმარის უნარ-
ჩვევებს, რათა აუდიტორიას გააცნოს/გადასცეს საკუთარი სათქმელი სრულყოფილად.
რაში ეხმარება მასწავლებელს მერხების წრიული და ოთხკუთხა განლაგება?
მერხების წრიული და ოთხკუთხა განლაგება მასწავლებელს მისცემს საშუალებას, დაინახოს მთელი კლასი და გააკონტროლოს, რამდენად არის ყველა მოსწავლე დისკუსიაში ჩართული.
რაში ეხმარება მასწავლებელს პროცესზე ორიენტირებული კითხვები?
მასწავლებელი არკვევს, რამდენად კარგად გაიგო მოსწავლემ ის პროცედურები და წესები, რომლებიც სწორი პასუხის დასადგენად გამოიყენება.
რომელია ის ფაქტორები, რომლებიც ძირითადად თავს იჩენს ხოლმე დაწყებით საფეხურზე, როდესაც საქმე ეხება ჯგუფურ მუშაობას?
1. ინფორმაციის გადმოცემის ნაკლებად განვითარებული უნარები
2. სიმორცხვე
3. ნაკლებად განვითარებული საკომუნიკაციო უნარები
4. საგაკვეთილო პროცესის დროს უყურადღებობა/ თანაკლასელების არ მოსმენა.
რას ავითარებს დისკუსია, როგორც ინტერაქტიული სწავლების ერთ-ერთი ყველაზე გავრცელებული მეთოდი?
დისკუსია ზრდის სასწავლო პროცესში მოსწავლეთა ჩართულობას და ხელს უწყობს მათი სოციალური უნარების განვითარებას.
რამდენი ნაწილისგან შედგება როლური თამაში და რომლებია ესენი?
როლური თამაში შედგება 3 ნაწილისაგან, ესენია:
1. სიტუაცია
2. როლური თამაში
3. საკლასო დისკუსია
როგორ შეიძლება დავეხმაროთ მოსწავლეებს, რომელთაც აქვთ ნაკლებად განვითარებული უნარები, რათა შეძლონ ჯგუფებში მუშაობა.
საასურველია მასწავლებელმა თანაბრად გადაანაწილოს ჯგუფებში ყველა შესაძლებლობების, დონის მქონე მოსწავლე.
რა უნდა განსაზღვროს მასწავლებელმა იმისათვის, რომ დისკუსია მეტად ეფექტური აღმოჩნდეს?
იმისათვის, რომ დისკუსია მეტად ეფექტური აღმოჩნდეს, საჭიროა ის ფოკუსირებული იყოს კონკრეტულ მიზანსა და სფეროზე.
რას გულისხმობს სიმულაცია?
სიმულაცია გულისხმობს, ხელოვნური სიტუაციის შექმნას, რომელიც რეალობის მსგავსია, იგი არის მოდელი იმისა, რაც არსებობს ან შეიძლება არსებობდეს რეალურ ცხოვრებაში.
ჩამოთვალეთ ჯგუფური მუშაობის დადებითი მხარეები.
იგი ხელს უწყობს მოსწავლეთა შორის თანამშრომლობასა და სოციალიზაციის უნარის განვითარებას.
მათ შეუძლიათ ჯგუფურად უფრო რთულ დავალებებს გაართვან თავი.
დისკუსიის დასრულების შემდეგ, მიღებული ცოდნის განსამტკიცებლად, რა ხერხს უნდა მიმართოს მასწავლებელმა?
დისკუსიის დასრულების ბოლოს, სასურველია, თუ მასწავლებელი მოსწავლეებთან ერთად კიდევ ერთხელ ჩამოთვლის ძირითად საკითხებს, შეაფასებს პროცესის წარმატებულობას და აღნიშნავს, თუ რა გაკეთდა სწორად და რა საჭიროებს გამოსწორებას.
რისთვის გამოიყენებენ როლურ თამაშებს და რას ავითარებს იგი ბავშვებში?
როლურ თამაშებს გამოიყენებენ იმისათვის, რომ მოსწავლეებს ასწავლონ მოქალაქეობრივი პასუხისმგებლობები ან ეთიკური ქცევები. ამ გზით მოსწავლეებს უვითარდებათ პრობლემის გადაჭრის, ასევე გადაწყვეტილების მიღების უნარები.
ჩამოთვალეთ ჯგუფური მუშაობის უარყოფითი მხარეები.
ხელს უშლის დამოუკიდებლად სწავლას.
მეტი დამოკიდებულება გადადის ჯგუფის ლიდერზე.
რთულია თითოეული მოსწავლის მიერ შესრულებული სამუშაოს შეფასება.
შესაძლოა მოსწავლეებში რთული აღმოჩნდეს ამ პროცესის მართვა.