өзгөрмө ток
Механикалык энергияны өзгөрмө токтун электр энергиясына айландыруучу түзүлүш эмне деп аталат?
Индукциялык электр генератору.
Кадимки ысып жаткан лампа же электр плитасы өзгөрмө токтун чынжырында кайсы каршылыктын ролун аткарат?
Активдүү каршылыктын.
Эл аралык бирдиктер системасында (СИ) электр тогунун аткарган жумушу кайсы бирдик менен өлчөнөт?
Джоуль (Дж) менен.
Өзгөрмө токтун генераторунун иштеши физиканын кайсы фундаменталдуу мыйзамына негизделген?
Электромагниттик индукция мыйзамына (Майкл Фарадей ачкан).
Чынжырга туташтырылган катушканын (индуктивдүүлүктүн) өзгөрмө токко көрсөткөн каршылыгы кандай аталат жана ал кайсы тамга менен белгиленет?
Индуктивдүү каршылык, XLтамгасы менен белгиленет.
Электр тогунун кубаттуулугун өлчөөчү негизги бирдик кайсы жана ал кимдин урматына аталган?
Ватт (Вт), Джеймс Ваттын урматына.
Магнит талаасында айланып жаткан алкактын ичинде пайда болгон ЭККтин (электр кыймылдаткыч күчүн) убакыттан көз карандылык графиги кайсыл ийри сызыкты (функцияны) берет?
Синусоида (же косинусида).
Конденсатордун өзгөрмө ток чынжырындагы каршылыгы эмне деп аталат жана токтун жыштыгы жогорулаганда бул каршылык кандай өзгөрөт?
Сыйымдуулук каршылык XС; жыштык жогорулаганда каршылык азаят.
Үйлөрдөгү электр эсептегичтер (счетчиктер) токтун кубатуулугун эмес, жумушун (сарпталган энергияны) кандай турмуштук бирдик менен эсептешет?
Киловатт-саат (кВт·саат).
Генератордун ичиндеги магнит талаасында айланып турган, токту сырткы чынжырга өткөрүүчү бөлүгү кандай аталат?
Ротор (эгер ал айланса) же Якорь
Өзгөрмө токтун чынжырындагы активдүү, индуктивдүү жана сыйымдуулук каршылыктардын жалпы суммасы (толук каршылыгы) илимде кандай аталат?
Импеданс (же толук каршылык, Z тамгасы менен белгиленет).
Өзгөмө токтун чынжырындагы активдүү Кубаттуулукту табуу үчүн токтун жана чыңалуунун таасири этүүчү маанилерин дагы кайсы чоңдукка көбөйтүү керек?
Кубаттуулук коэффициентине (cos ф)
Эмне үчүн өндүрүштөгү чоң генераторлордо магниттерди эмес, электромагниттерди айлантышат (ротор катары колдонушат)?
Чоң токту козголбогон статордон алуу оңой жана коопсуз, ал эми айлануучу бөлүккө (роторго) кичине гана ток берүү жетиштүү.
Индуктивдүү жана сыйымдуулук каршылыктар бир чынжырда бири-бирин компенсациялап (теңеп), толук каршылык эң кичине мааниге жеткен кубулуш кандай аталат?
Чынжырдагы чыңалуулардын резонансы.
Туруктуу ток чынжырынан айырмаланып,өзгөрмө токто реактивдүү каршылыктардан (катушка, конденсатор) улам пайда болгон, бирок жумуш аткарбаган нерселук кандай аталат жана анын бирдиги эмне?
Реактивдүү Кубаттуулук, бирдиги — Вольт-Ампер реактивдүү (ВАр)