Пронаоѓање на купувачи
Кој е првиот чекор при пронаоѓање на купувачи?
Идентификација на целната група.
Што претставуваат каналите на дистрибуција?
Начини преку кои производот или услугата стигнува до купувачот.
Како се нарекува групата што прва прифаќа нова технологија?
Иноватори.
Што претставуваат односите со купувачите?
Начинот на комуникација и интеракција со купувачите.
Што претставува фискалната сметка за потрошувачот?
Доказ дека производот е регуларно купен од одреден трговец.
Зошто е важно да се знаат потребите на купувачите?
За да се понуди соодветна вредност.
Која е главната разлика меѓу директни и индиректни канали на дистрибуција
Дали постои посредник меѓу производителот и купувачот.
Кои купувачи ја прифаќаат технологијата по иноваторите?
Рани прифаќачи (Early adopters).
Што е продажната инка?
Начин на визуелизација на продажниот процес
Зошто потрошувачот мора да ја чува фискалната сметка?
Затоа што без неа не може да ги оствари своите права (замена, враќање, сервис).
Кој метод може да се користи за директен контакт со купувачи?
Интервјуа, анкети или тест-продажба.
Мал производител продава преку сопствена онлајн продавница и преку супермаркети. Кои канали на дистрибуција ги користи?
Директен (онлајн продавница) и индиректен (супермаркети).
Зошто раните прифаќачи се важни за успехот на нов производ?
Затоа што влијаат врз мислењето на останатите купувачи.
Во кои фази од продажната инка најчесто се користат промотивни активности како рекламирање и објави на социјални мрежи?
Во почетните фази – свесност и интерес.
Во кој рок потрошувачот може да побара замена на производ што не одговара по големина, боја или модел?
Во рок од 15 дена од денот на купување, ако производот не е употребуван и е сочувана фискалната сметка.
Стартап нема купувачи, но има идеја. Што треба прво да тестира?
Дали купувачите имаат реална потреба од производот.
Наведи пример кога изборот на погрешен канал на дистрибуција може негативно да влијае врз продажбата.
Пример: луксузен производ што се продава преку несоодветни или евтини канали, што ја намалува перцепцијата на вредноста.
Стартап лансира нова апликација и прво ја користат технолошки ентузијасти. Во која фаза од кривата се наоѓа?
Фаза на иноватори.
Онлајн продавница објавува реклама на социјални мрежи, потоа испраќа е-пошта со повеќе информации, а на крај нуди попуст за купување. Објасни како овие активности се поврзани со фазите на продажната инка.
Рекламата создава свесност, е-поштата гради интерес и размислување, а попустот ја поттикнува одлуката за купување.
Кои права може да ги избере потрошувачот ако купи производ со недостаток?
Бесплатна поправка, замена на производот, намалување на цената или раскинување на договорот со враќање на парите (доволни се две).
Наведи пример како бизнис може да најде први купувачи без голем буџет.
Преку социјални мрежи, препораки или пилот-продажба.
Производител на рачно изработени производи сака да има директен контакт со купувачите и повисока маржа. Кој канал на дистрибуција е најсоодветен и зошто?
Директен канал (онлајн продавница или директна продажба), затоа што нема посредници и производителот директно комуницира со купувачите.
Наведи еден ризик ако бизнисот се фокусира само на иноваторите, а не и на масовниот пазар.
Производот може да не биде прифатен од пошироката публика и да нема раст.
Наведи конкретен пример како бизнис може да го задржи купувачот по купувањето и објасни зошто тоа е важно за продажната инка.
Пример: постпродажна е-пошта со поддршка или програма за лојалност. Ова е важно затоа што води кон повторна продажба и долгорочна лојалност.
Наведи пример на нечесно пазарно однесување при продажба на производ или услуга.
Заведувачко рекламирање (на пр. „без шеќер“ кога производот содржи шеќер) или тврдење „производот не се враќа и не се заменува“.