ԽԱՌԸ ՀԱՐՑԵՐ
Թվարկեք ազգային երեք ուտելիք:
Լավաշ, տոլմա, հարիսա, ղափամա, թանապուր, գաթա:
Նշիր Հայաստանի քաղաքներից երեքը։
Գյումրի, Վանաձոր, Աբովյան, Հրազդան, Ստեփանավան, Իջևան, Գորիս…)
Ե՞րբ են հայերը քրիստոնեությունը ընդունել իբրև պետական պաշտոնական կրոն և ո՞վ էր թագավորը:
301 թվականին հայերը քրիստոնեությունը ընդունել են իբրև պետական պաշտոնական կրոն , թագավորը Տրդատ III ն էր:
Նշեք մի քանի հայ անվանի բանաստեղծների անուններ:
Հովհաննես Թումանյան, Ավետիք Իսահակյան, Եղիշե Չարենց, Պարույր Սևակ, Վահան Տերյան...
Ո՞ր թագավորի օրոք և ո՞ր դարում է Հայաստանն ունեցել իր ամենամեծ սահմանները և կոչվել ծովից ծով Հայաստան։
Տիգրան Մեծի օրոք, մ.թ.ա 1 ին դարում:
Ո՞րն է Հայաստանի ամենամեծ լիճը:
Սևանա լիճը
Քանի՞ մարզ ունի Հայաստանը, թվարկիր դրանցից երեքը։
Հայաստանն ունի 10 մարզ՝ Շիրակ, Լոռի, Կոտայք, Գեղարքունիք, Արարատ, Արմավիր, Տավուշ, Արագածոտն, Վայոց Ձոր, Սյունիք:
Ե՞րբ և ու՞մ հրահանգով է կառուցվել Էջմիածնի տաճարը:
301-303թթ Գրիգոր Լուսավորիչի հրահանգով:
Ո՞վ է Կոմիտասը:
Կոմիտասը (Սողոմոն Սողոմոնյան) համարվում է հայկական դասական երաժշտության հիմնադիր: Հայ մեծ երգահան, երգիչ, երաժշտագետ, վարդապետ և ուսուցիչ, բանահավաք, խմբավար, մանկավարժ:
Ե՞րբ է ստեղծվել Հայաստանի առաջին Հանրապետությունը և որքա՞ն է այն գոյություն ունեցել:
1918-ի մայիսի 28-ին հռչակվեց Հայաստանի Առաջին Հանրապետությունը, որը գոյատևեց մինչև 1920 թվականի դեկտեմբերի 2-ը:
Ո՞վ է համարվում հայ ազգի նախահայրը:
Հայկ նահապետը
Քանի՞ մայրաքաղաք է ունեցել Հայաստանը, թվարկեք երեքը:
Հայաստանը ունեցել է 12 մայրաքաղաք, դրանք են՝ Վան, Արմավիր, Երվանդաշեն, Արտաշատ, Տիգրանակերտ, Վաղարշապատ, Դվին, Բագարան, Շիրակավան, Կարս, Անի, Երևան:
Քանի՞ առաքյալ ուներ Հիսուս Քրիստոսը, և ո՞ր առաքյալներն են եկել Հայաստան քրիստոնեություն տարածելու:
Հիսուսը ուներ 12 առաքյալ , Թադեոսն ու Բարդուղիմեոսն են եկել Հայաստան քրիստոնեությունը քարոզելու:
Ո՞րն է առաջին նախադասությունը, որ թարգմանվել է հայերեն գրերի գյուտից անմիջապես հետո:
Հայոց գրերի գյուտից հետո հայերեն գրված առաջին նախադասությունն է ՝ «Ճանաչել իմաստությունը և խրատը, իմանալ հանճարի խոսքերը"
Որո՞նք են են հայկական դրոշի գույները և ի՞նչ է խորհրդանշում դրոշի ամեն մի գույնը:
Հայկական դրոշի գույներն են կարմիր, կապույտ, ծիրանագույն:Կարմիրը՝ հայ ժողովրդի դարեր շարունակ թափած արյունն է, կապույտը՝ խաղաղ երկինքը, իսկ ծիրանագույնը խորհրդանշում է հայ ժողովրդի արարչական տաղանդն ու աշխատասիրությունը:
Ո՞վ և ե՞րբ է ստեղծել հայոց այբուբենը: Քանի՞ տառից է այն բաղկացած:
Մեսրոպ Մաշտոցը ստեղծել է հայոց այբուբենը 405 թվականին, որը բաղկացած է 36 տառերից:
Ո՞րն է Հայկական լեռնաշխարհի ամենաբարձր լեռը,քանի՞ գագաթ ունի և որո՞նք են դրանք:
Հայկական լեռնաշխարհի ամենաբարձր լեռը Արարատ լեռն է, որն ունի 2 գագաթ, բարձրը անվանվում է Մասիս, փոքրը՝ Սիս:
Ո՞վ է եղել առաջին Ամենայն Հայոց Կաթողիկոսը և ո՞ր թվականներին է գահակալել:
Առաջին Ամենայն Հայոց Կաթողիկոսը եղել է Գրիգոր Լուսավորիչը, 302-325թթ:
Ո՞վ է գրել "Պատմություն հայոց" գիրքը, ու՞մ խնդրանքով և ո՞ր դարում:
"Պատմություն Հայոց" գիրքը գրել է Մովսես Խորենացին, 5 րդ դարում, Սահակ Պարթևի (Պահլավունի) խնդրանքով:
DOUBLE POINTS ****
Ո՞վ է եղել Վարդան Մամիկոնյանը և ո՞ր ճակատամարտով է հիշատակվում նրա անունը հայոց պատմության մեջ:
DOUBLE POINTS ****
Վարդան Մամիկոնյանը եղել է 5 րդ դարի հայոց սպարապետ, հայ զորավար, ով իր կյանքի գնով պաշտպանել է հայ ազգը կրոնափոխելուց: 451 թվականի մայիսի 26 ին Ավարայրի դաշտում տեղի ունեցավ Ավարայրի ճակատամարտը, որը կոչվում էր նաև Վարդանանց ճակատամարտ:
Ե՞րբ է Հայաստանի Հանրապետությունը նշում անկախության օրը և ե՞րբ սահմանադրության օրը:
Անկախության օրը նշում են Սեպտեմբերի 21-ին իսկ Սահմանադրության օրը՝ հուլիսի 5-ին:
Ո՞րն է Հայաստանի մայրաքաղաքը, ո՞ր թվականին է այն հիմնադրվել և ու՞մ կողմից։
Հայաստանի մայրաքաղաքը Երևանն է, այն հիմնադրվել է մթա 782 թ-ին Արգիշտի թագավորի կողմից:
Ինչպե՞ս Է Էջմիածինը ընտրվել տաճարի կառուցման համար և ի՞նչ է նշանակում Էջմիածին:
Ըստ 5 րդ դարի պատմիչի Գրիգոր Լուսավորիչը տեսիլք է տեսնում, ըստ որի Աստծո միածին որդին իջնում է երկնքից, և ոսկե մուրճով հարվածում է գետնին, ցույց տալով այն վայրը, որտեղ պետք է կառուցվեր տաճարը, և ըստ այդ պատմության տաճարը անվանվեց էջ(իջավ) միածին(միածին որդին):
Ո՞վ է Գրիգոր Նարեկացին և ի՞նչ հայտնի պոեմ է գրել:
Գրիգոր Նարեկացին եղել է 10 րդ դարի հայ ամենահայտնի դեմքերից մեկը: Բանաստեղծ, փիլիսոփա, երաժիշտ, վանական:
Նարեկացու պոեմը կոչվում է "Մատյան Ողբերգության", որն աղոթքների ժողովածու է:
DOUBLE POINTS ****
Ե՞րբ է տեղի ունեցել հայերի ցեղասպանությունը, ու՞մ կողմից և մոտավորապես որքա՞ն հայեր նահատակվեցին:
Ինչու՞ ենք ապրիլի 24 ը նշում հայոց զոհերի անմար հիշատակի օր:
DOUBLE POINTS ****
1894-1923 թվականին օսմանյան թուրքերի կողմից իրականացվեց 1,5 միլիոն հայերի ցեղասպանությունը:
1915 թվի ապրիլի 24-ին ձերբակալվեցին և դաժանաբար սպանվեցին անվանի հայ մտավորականներ և զինվորականներ: