Тамак сиңирүү системасы
Тамак ооздон ашказанга кайсы орган аркылуу барат?
Кызыл өңгөч.
Адамдын негизги бөлүп чыгаруу органы кайсы? (ал буурчак сымал формада болот)
Бөйрөк.
Организмде энергия алуу үчүн эң негизги "күйүүчү май" болуп кайсы зат саналат?
Глюкоза (углеводдор).
Сөөктөрдүн өсүшү үчүн кайсы витамин керек жана ал күн нуру аркылуу пайда болот?
D витамини.
Теринин эң үстүнкү жука катмары эмне деп аталат?
Эпидермис
Ашказанда тамактын сиңишине жардам берген эң негизги суюктук эмне деп аталат?
Ашказан ширеси (туз кислотасы менен кошо).
Бөйрөктө иштелип чыккан заара кайсы орган аркылуу табарсыкка барат?
Заара түтүкчөлөрү аркылуу.
Белоктор ажыраганда эң акыркы кайсы заттар пайда болот?
Аминокислоталар
Лимон, апельсин сыяктуу жемиштерде көп кездешкен, иммунитетти көтөрүүчү витамин?
С витамини.
Күн астында жүргөндө териге түс берген кайсы зат бөлүнүп чыгат?
Меланин.
Адамдын организминдеги эң чоң без жана ал тамак сиңирүүдө кандай суюктук иштеп чыгат?
Боор, өт иштеп чыгат.
Бөйрөктүн эң кичинекей түзүлүш жана кызматтык бирдиги эмне деп аталат?
Нефрон.
Пластикалык алмашуу (анаболизм) деген эмне?
Организмде жаңы клеткалардын жана заттардын пайда болуу процесси (энергия жумшалат).
Көрүүнүн жакшырышына кайсы витамин жооп берет?
А витамини.
Эмне үчүн адам ысыганда тердейт?
Тер бууланганда денени муздатып, ашыкча ысып кетүүдөн сактайт.
Пайдалуу заттардын канга сиңүүсү кайсы органда ишке ашат?
Ичке ичегиде.
Бөйрөктөн тышкары бөлүнүп чыгуу функциясын дагы кайсы органдар аткарат? (сууну жана тузду чыгарат)
Тери (тер аркылуу) жана өпкө (көмүр кычкыл газы аркылуу).
Энергетикалык алмашуу (катаболизм) учурунда энергия кайсы молекула түрүндө топтолот?
АТФ молекуласы.
Авитаминоз деген эмне?
Организмде кайсы бир витаминдин такыр жок болуп кетиши же өтө жетишсиздиги.
Теринин ортоңку катмары (дерма) кандай маанилүү түзүлүштөрдү камтыйт?
Рецепторлор, кан тамырлар, тер жана май бездери, чачтын тамыры.
Тамак сиңирүү системасынын кайсы бөлүгүндө клетчатка ажырайт жана суу кайра канга сиңет?
Жоон ичегиде.
Биринчилик жана экинчилик зааранын айырмасы эмнеде?
Биринчилик заарада пайдалуу заттар (глюкоза, витаминдер) болот, ал эми экинчилик заарада — керексиз калдыктар гана калат.
Зат алмашуу процессин организмде кайсы системалар жөнгө салат?
Нерв системасы жана эндокриндик система (гормондор).
Сууда эрүүчү жана майда эрүүчү витаминдердин айырмасын айтып бер.
Сууда эрүүчүлөр (С, В тобу) организмде топтолбойт, заара менен чыгып кетет. Майда эрүүчүлөр (A, D, E, K) май клеткаларында жана боордо топтолот.
Гипотермия деген эмне жана ал зат алмашууга кандай таасир этет?
Дене температурасынын өтө төмөндөп кетиши; зат алмашуу жайлап, органдардын иши начарлайт.