A
Kur janë emrat e përgjithshëm?
Emrat janë të përgjithshëm, kur tregojnë dikë a diçka pa e dalluar nga të tjerët.
Emrat e përgjithshëm shkruhen me shkronjë të vogël.
Çka është fjalia?
Bashkimi i dy apo më shumë fjalëve që kanë kuptim quhet fjali.
Cili është kufiri natyror që i ndan dy dialektet e gjuhës shqipe?
Kufiri natyror që ndan dy dialektet e gjuhës shqipe është lumi Shkumbin.
Çka quajmë tekst?
Tekst quajmë çdo lloj shkrimi që ka kuptim të plotë.
Cilat janӫ dy shenjat e pikësimit që pӫrdoren më së shumti në dialog?
Shenjat që përdoren mӫ së shumti nӫ dialog janë: dy pika (:) dhe viza (-).
Ҫka ështӫ diskutimi?
Diskutimi ështӫ një bashkëbisedim në grup a ndërmjet dy ose më shumë njerëzve, ku shkëmbehen mendime për një ҫështje të veҫantë.
Cilat janë llojet e fjalisë?
Llojet e fjalisë janë: fjalia dëftore, fjalia pyetëse, fjalia nxitëse, fjalia dëshirore, fjalia thirrmore.
Si duket ndërtimi i letrës?
Letra ndërtohet nga data, hyrja, zhvillimi, përfundimi, fjalët e mirësjelljes dhe dërguesi.
Ҫka është biseda?
Biseda është një bashkëbisedim i lirë ndërmjet dy ose më shumë njerëzve. Ata flasin për të forcuar miqësinë, për të kaluar kohën e lirë, për të shkëmbyer ide dhe mendime.
Cilat janë fjalët pohuese dhe mohuese?
Fjalë pohuese janë: gjithandej, të gjithë, gjithkund, gjithkush, ngado, kudo etj.
Fjalë mohuese janë: askush, askund, kurrkush, kurrkund, asnjeri, askund etj.
Kur e kemi figurën e litotës?
Kur zvogëlojmë jashtë realitetit një veprim, një qenie, një send, veti a dukuri, kemi figurën e litotës.
Çka është fjalia pohore dhe fjalia mohore?
Fjalia pohore tregon se ndodh njӫ veprim.
Fjalia mohore tregon se nuk ndodh një veprim.
Cili është mesazhi në tregimin ‘'Ani pianistja’’ ?
Të gjithë ne duhet të gëzohemi dhe të jemi zemërgjerë ndaj sukseseve të tjetrit.
Nuk e arrijmë dot suksesin duke pasur zili tjetrin, por duke e marrë atë si shembull.
Me çka mbarojnë emrat e gjinisë mashkullore?
Emrat e gjinisë mashkullore në trajtën e shquar të numrit njëjës mbarojnë me -i ose -u, ndërsa në numrin në shumës mbarojnë me -t ose -të,
Çka quajmë lakim?
Lakim quhet ndryshimi që pëson emri kur përdoret në fjali.
Kur kemi monolog dhe dialog?
Monolog kemi atëherë kur personazhi flet me vete duke u drejtuar nga publiku.
Dialog kemi kur dy ose më shumë personazhe bisedojnë me njeri-tjetrin.
Çka shpreh fjalia thirrmore?
Fjalitë të cilat i shqiptojmë me një ndjenjë të veçantë: me habi, çudi, pakënaqësi, mërzitje, frikë quhet fjali thirrmore. Në fund të tyre vihet pikëçuditje (!).
Kur e kemi figurën e hipërbolës?
Kur zmadhojmë jashtë realitetit një veprim, një qenie, një send, veti a dukuri, kemi figurën e hiperbolës.
Çka tregojnë emrat në numrin njëjës dhe shumës?
Emrat në numrin njëjës tregojnë vetëm një njeri, kafshë a një send.
Emrat në numrin shumës tregojnë dy a më shumë njerëz, kafshë a sende.
Cili është mesazhi te vjersha ‘’ Harabeli’’?
Mesazhi i vjershës është që ta duam atdheun (vendin tonë). Të mos largohemi nga vendi jonë dhe të punojmë fort për të. Poetit i dhemb zemra për njerëzit që largohen nga vendlindja.
Me cilat pyetje mund ta lakojmë emrin në rasa?
Emërore: kush?
Gjinore: i, e kujt?
Dhanore: kujt?
Kallëzore: kë?
Rrjedhore: prej kujt?
Çka janë thirrjet?
Thirrjet janë shkrime të shkurtra, me anë të së cilave një njeri ose një shoqatë u drejtohet njerëzve.
Nga kush janë krijuar fjalët e urta?
Fjalët e urta janë krijuar nga mësimet që dalin prej përvojës së jetës dhe mesazhet e tyre janë të rëndësishme për çdo kohë.
Kur e përdorim ligjëratën e drejtë?
Kur duam të përsëritim fjalët e folësit ashtu siç janë thënë, ne përdorim ligjëratën e drejtë.
Lako emrin lis në trajtën e pashquar.
Emërore: një lis
Gjinore: i, e një lis-i
Dhanore: një lis- i
Kallëzore: një lis
Rrjedhore: prej një lis-i