Hiraaca 11/20/2020

Dóòsha'?

100

Niidóòsha'?

Aré'waac.

200

Niidóòsha'?

Miixéèwic.

300

Niidóòsha'oo'?

Maa'éèca maagíà'ac.

400

Niidóòsha'oo'?

Maradá shiibíc.

500

Idahgíìhsha éèhgu dóòsha'?

Idahgíìhsha éèhgu girasháàcic.

600

Nídaarush dóòsha'?

Madaarúsh ihabíc.

700

Ní'aga éèhgu dóòsha'?

Mi'agá éèhgu hiráwihdic.

800

Níruu'ash dóòsha'oo'?

Marúù'ash aríìda'c.

900

Nídaagush giráàsh ihúù'ash dóòsha'oo'?

Madaagúsh giráàsh ihúù'ash íhgishiaraca'c.

1000

Aguwaa'ooruudihirí éèhgu áàdush i'agá'ash dóòsha'oo'?

Aguwaa'ooruudihirí éèhgu áàdu'ash aré'haa'ac.

1100

Níragua'ash dóòsha'oo'?

Maragúà'ash maacóóga'c.

Íìdahush dóò'?

100

Iidagísh dóò'?

Iidagísh maa'íà'gaagi áàgaaru naagíc.

200

Íìrooshi éèhgu dóò'?

Íìrooshi éèhgu maa'iigirashúùgihgua maagíc.

300

Nígo'xba dóò'?

Magó'xba maa'irigidoobá úùdiru naharééc.

400

Nídawaa'aruxabi dóò'?

Madawaa'aruxabí maa'aruxabí adíhgua naharééc.

500

Nída'úùwaca iirigíhge dóò'?

Mada'úùwaca iirigíhge maa'ii'ígaahge úùdiru naagíc.

600

Níhuush idawaa'iibágishi dóò'?

Mahúùsh idawaa'iibágishi maa'aru'eexadíhgua ígooga naagic.

700

Dóòhgaa náragi'?

Adí mixdáàhgua maaragíc.

800

Dóòhgaa náwagi'?

Madawaa'aruxabí áàgaaru maawagíc.

900

Dóòhgaa náàraharee'?

Maa'íà'gaagi hacgí ibíìdiru maaraharééc.

1000

Dóòhgaa náàhahgu'?

Adíguhaag díìhshaa maaháhguc.

1100

Níhuu'ash dóò'?

Mahúù'ash maa'ooruudí aruhirí adíhgua gáá'ac.

Aruwa'íìhadiguhaag dáàbawa maawáàhaa'oo'?

100

Dáàbawa náwahee'?

Maa'iigirushúùgi nuu maawáàheec.

200

Dáàbawa náwahee'?

Maa'úùhshibagishi nuu maawáàheec.

300

Dáàbawa náwahee'?

Góòxaadidaba nuu maawáàheec.

400

Dáàbawa maawáàhaa'oo'?

Maa'iigiraagabúhshe nuu maawáàhaa'ac.

500

Dáàbawa náwahaa'oo'?

Maa'ii'ígaahge maawáàhaa'ac.

600

Nída'aguwaagiguucgíhge éèhgu dáàbawa ma'íìhee'?

Mada'aguwaagiguucgíhge éèhgu maa'aráxibhe awahúgahge nuu ma'íìheec.

700

Mirá' agucíáhe éèhgu dáàbawa ma'íìhee'?

Mirá' agucíáhe éèhgu iibáhshaagi ma'íìheec.

800

Urkel ihgawíà'ash dáàbawa ma'íìhaa'oo'?

Urkel ihgawíà'ash mi'bcá ma'íìhaa'ac.

900

Dáàbawa ooráruhca'oo'?

Gagúwicahaa aruwirí ooruu maruhcá'c.

1000

Gilbert iragúàsh ihgawíà'ash dáàbawa oorúhca'oo' aruwa'íìhadiguhaag?

Gilbert iragúàsh ihgawíà'ash mirúxihge ooruwa núhca'c.

1100

Nídaagu'ash dáàbawa ma'íìhaa'oo'?

Madaagú'ash maa'iigibxáà ma'íìhaa'ac.

Dáàbawa hiri'íìru'?

100

Dáàbawa hiri'íìru'?

Sháàga miriríìri'iiruc.

200

Dáàbawa hiri'íìru'?

Úùhshiihdagi giree'íìruc.

300

Dáàbawa hiri'íìru'?

Madáxi giré'dhaa'iiruc.

400

Dáàbawa hiri'íìru'?

Á'rihsha miriríìridhaa'iiruc.

500

Dáàbawa hiri'íìru'?

Íìwagihishi nahbísha nuudi'íìruc.

600

Dáàbawa náhee'ii'?

Maahaxbhi'íìc.

700

Dáàbawa náhee'iiru'?

Míìraa'iiruc.

800

Dáàbawa náhee'iiru'?

Múá mahgigúà'iiruc.

900

Nídaaru'ash dáàbawa hiri'íìru'?

Madaarú'ash maarí'iiruc.

1000

Níguush she'g níhuu'ash dáàbawa hiri'íìru'?

Magúùsh she'g mahúù'ash mirá nagabhí'iiruc.

1100

Níraguash igúùsh dáàbawa hiri'íì' maabí éèca?

Maragúàsh igúùsh maa'aru'awáàgi adí gigshi'íìc maabí éèca.

Dáàbagua abáàri'iiru'?

100

Dóhgaa abáàri'iiru'?

Máácu arucúùwi mirawahúga abáàri'iiruc.

200

Dóhgaa abáàri'iiru'?

Maahishí mirawahúga abáàri'iiruc.

300

Dáàbagua abáàri'iiru'?

Máácuudaba mirawahúga abáàri'iiruc.

400

Dáàbagua abáàri'iiru'?

Húùbaadi oogigé mirí úùdiru abáàri'iiruc.

500

Dáàbagua abáàri'iiru'?

Óòbi íhashaa awaxaawíhgua abáàri'iiruc.

600

Dóhgaa abáàri'iiru'?

Awawáácu awáàdhi áchaa abáàri'iiruc.

(OR mirí úùdiru)

700

Dóhgaa abáàri'iiru'?

Mashúgaagha aríì úùdiru abáàri'iiruc.

800

Dáàbagua abáàri'iiru'?

Xubáàrishibisha mirawahúga abáàri'iiruc.

900

Dáàbagua abáàri'iiru'?

Aru'úùcishuudi awaxaawígua abáàri'iiruc.

1000

Dóhgaa abáàri'iiru'?

Midéègcahca awaríàhgua abáàri'iiruc.

1100

Dáàbagua abáàri'iiru'?

Miraxubáà awaxaawíhgua abáàri'iiruc.

Dóhdaa náree'?

100

Dóhdaa náree'?

Aruwa'íìhadihdaa maaréèc.

200

Dóhdaa náree'?

Maagiguucgi'adíhdaa maaréèc.

300

Dóhdaa ooráree'?

Maa'oorihshíhdaa aruwaaréèc.

400

Dóhdaa ooraréè'?

Máàhdi arucaráà adíhdaa arumaaréèc.

500

Dóhdaa aruwaaréè hahga'?

Maa'aruwiráxadihgeehdaa ooráree hahgac.

600

Linda irúùsh dóhdaa néè'?

Linda irúùsh úùwaca arugirushá adíhdaa néèc.

700

Dóhdaa mááha'oo'?

Máàhdi adíhdaa mááha'c.

800

Nii'éèca dóhdaa náraha'oo'? 

(Mii'éèca) maa'aru'awáàgi adíhdaa mááha'c.

900

Nírisha'sh dóhdaa nááha'oo'?

Marishá'sh maa'ooruudí aruhirí adíhdaa nááha'c.

1000

Gilbert áàrudaahga'ash dóhdaa oorááha'oo'?

Gilbert áàrudaahda'ash awaxaawíhdaa oorááha'c.

1100

Níguu'ash dóhdaa nááha'oo'?

Magúù'ash maa'ara'ooracgiidí adíhdaa nááha'c

Dáàbawa náhee'?

100

Óhbahe dáàbawa náhee'?

Maa'ii'ígaahge awágaac.

200

Giraagudhéhe dáàbawa náhee'?

Giraagudhéhe maa'ihgi'íga mahgirushúùgic.

300

Nídawaabisha éèhgu dáàbawa hirí' maabéhe?

Madawaabísha éèhgu garéèc maabéhe.

400

Húùrishiru dáàbwa náhaa'oo'?

Húùrishiru maa'ooruudí nuu maruhcá'c.

500

Áàdarug dáàbawa ooráhaa'oo'?

Áàdarug maa'aru'awáàgi adí(sh) aruwahgigshá'c.

600

Óhbarug dáàbawa ooráhaa'oo'?

Óhbarug maa'ooruudí aruhirí adíhgua máàhshia aruwahxáá'ac.

700

Óhbashiru nídaagu'ash dáàbawa hirá'oo'?

Óhbashiru madaagú'ash maa'ixua'íhshi girushúùga'c.

800

Giraagudhérug nígo'xba'ash dáàbawa aruhirá'oo'?

Giraagudhérug magó'xba'ash arugí'ria'c.

900

Húùrishiru macíí'ash dáàbawa hirá'oo'?

Húùrishiru macíí'ash girihshá'c.

1000

Áàdarug dáàbawa ooráhaa'oo'?

Áàdarug máàhdi arumaaghíà'ac.

1100

Áàdarug dáàbawa ooráhaa'oo'?

Áàdarug awaxaawí aruwa'caadá'c.

Dáàbawa náhee náwahee'?

100

Dáàbawa náhee náwahee'?

Aruwa'íìhadihdaa maaréè maawáàheec.

200

Dáàbawa náhee náwahee'?

Maawabáàhi maawáàheec.

300

Dáàbawa náhee náwahaa'oo'?

Maawaarí' maawáàhaa'ac.

400

Nígo'xbash dáàbawa hirí ma'íìhee'?

Magó'xbash miráxadihgee ma'íìheec.

500

Igó'xba áàdush dáàbawa hirí ma'íìhee'?

Igó'xba áàdush miriríìri ma'íìheec.

600

Dáàbawa náhee náwahaa'oo'?

Maa'ii'ígaahge awágaa maawáàhaa'ac.

700

Níhgawia'ash dáàbawa hirí ma'íìhaa'oo'?

Mahgawíà'ash maa'ooruudí hirí ma'íìhaa'ac.

800

Dóhdaa náree náwahee'?

Maagiwagé'adihdaa maaréè maawáàheec.

900

Níshaawi'ash dóhdaa néè ma'íìhaa'oo'?

Masháàwi'ash maa'ooruudadíhdaa néè ma'íìhaa'ac. 

1000

Nídawaabishash iragúà'ash dáàbawa hirí ma'íìhaa'oo'?

Madawaabíshash iragúà'ash múá gigúà ma'íìhaa'ac.

1100

Dáàbawa náhee náwahaa'oo'?

neeshác:

Mashagó' mahgirigí maawáàheedhaa'ac.