Umumiy tushunchalar
Kasalxona xonalaridagi havoning tozaligi birinchi navbatda nimaga ta’sir qiladi?
Bemorlarning umumiy holatiga ta’sir qiladi.
Kasalxona havosidagi kimyoviy moddalar nega o‘tkir zaharlanish keltirib chiqarmaydi?
Ular juda kichik konsentratsiyada bo‘ladi.
Qaysi bo‘limlarda havo mikroblar bilan ifloslanishining oldini olish eng muhim?
Jarrohlik, tug‘ruqxona va bolalar bo‘limlarida.
Karbonat angidrid gazi qanday ifloslanish ko‘rsatkichidir?
Antropogen ifloslanish ko‘rsatkichidir.
Sedyimentatsiya (cho‘ktirish) usuli qanday prinsipga asoslanadi?
Havodagi mikroblarning oziqa muhit yuzasiga cho‘kishi
Kasalxona ichki infektsiyalarining oldini olishda qanday omil katta ahamiyatga ega?
Havo muhitining tozaligi.
Kasalxona xonalaridagi antropogen ifloslanish darajasi asosan nimaga bog‘liq?
Xonadagi shamollatilish sifati va havo almashinish darajasiga.
Kasalxona havosidagi mikroblar qaysi ikki turga bo‘linadi?
Saprofit va patogen mikroblar.
Kasalxonalar havosida CO₂ ning ruxsat etilgan maksimal konsentratsiyasi qancha?
0,1% gacha.
Sedyimentatsiya usulida havo namunasi qancha vaqt ochiq holda qoladi?
3 daqiqa
Kasalxona havosining tozaligini nega muntazam nazorat qilib turish zarur?
Chunki u bemorlarning sog‘lig‘iga, infektsiyalar tarqalishiga va tibbiyot xodimlarining ish sharoitiga ta’sir qiladi.
Havo tarkibidagi kimyoviy moddalarning kichik konsentratsiyalari bemorlarda qanday belgilarni keltirib chiqaradi?
Bosh og‘rishi, toliqish, kam quvvatlik, uyqusizlik.
Operatsiya xonasidagi 1 m³ havoda nechta mikrob bo‘lsa, u “toza” hisoblanadi?
1500 tadan oshmasligi kerak.
Agar CO₂ konsentratsiyasi 0,1% dan oshsa, bu nimani bildiradi?
Xona havosi yaxshi shamollatilmayotganini
Filtrlash usuli bilan tekshirishning asosiy kamchiligi nima?
Natijalar uzoq vaqt ichida olinadi va noaniq bo‘lishi mumkin
Havoda uchraydigan mikroorganizmlarning asosiy manbalari kimlar bo‘lishi mumkin?
Bemorlar, tibbiy xodimlar va bemorlarni ziyorat qiluvchilar.
Dori vositalari bilan havoning ifloslanishi tibbiyot xodimlarida qanday kasalliklarni keltirib chiqaradi?
Allergik kasalliklar.
Tug‘ruqdan keyingi palatalarda 1 m³ havoda mikroblar soni nechta bo‘lishi kerak?
2000 tadan oshmasligi kerak.
CO₂ miqdorini aniqlash uchun ishlatiladigan tezkor usul nomi nima?
Shprits usuli.
Krotov apparati qanday ishlaydi?
Havo oqimini oziqa muhit yuzasiga urish orqali mikroblarni yig‘adi
Kasalxona havosining kimyoviy tarkibidagi moddalarning asosiy manbalari nimalar?
Ammiak, vodorod-sulfid, merkaptanlar, indol, dezinfeksiya va dorivor moddalar.
Kasalxona havosida uchraydigan asosiy kimyoviy moddalarga misollar keltiring.
Ammiak, vodorod-sulfid, merkaptanlar, indol.
Havoning mikroblar bilan ifloslanish darajasini baholashda eng asosiy ko‘rsatkichlardan biri nima?
1 m³ havodagi mikroblar soni.
Shprits usulida CO₂ miqdorini aniqlashda ishlatiladigan eritma qanday bo‘ladi?
Kuchsiz ishqoriy va rangli eritma
Qaysi maxsus ozuqa muhitida stafilokokklarni aniqlash mumkin?
Tuxum sarg‘ig‘i agar muhitida