10 sestertsiy
Rimliklar ixtiro qilgan, hatto suv ostida ham qotish xususiyatiga ega bo‘lgan qurilish materiali nima deb ataladi?
Beton.
Nima uchun qadimgi Rim yo‘llari va akveduklari qurilishida beton va arkalardan (ravoqlardan) keng foydalanilgan?
Beton mustahkamlikni, arkalar esa og‘irlikni teng taqsimlab, ulkan inshootlarning uzoq vaqt buzilmay turishini ta’minlagan.
“Yevangeliye” so‘zi yunonchadan tarjima qilinganda qanday ma’noni anglatadi va u kimning hayoti bilan bog‘liq?
“Xushxabar” degan ma'noni anglatadi va Iso payg‘ambarning hayoti va ta’limoti bilan bog‘liq.
Milodiy 313-yilda imperator Konstantin tomonidan chiqarilgan farmon xristianlarning hayotini qanday o‘zgartirdi?
Xristianlik boshqa dinlar bilan teng deb e’lon qilindi, ta’qiblar to‘xtadi va oshkora ibodat qilishga ruxsat berildi.
Rim termalari shunchaki yuvinish joyi bo‘lmagan. Ularni nega o‘sha davrning “axborot markazlari” deb atashgan?
Chunki u yerda kutubxonalar, sport zallari bo‘lgan hamda odamlar to‘planib, eng muhim siyosiy va ijtimoiy yangiliklarni muhokama qilishgan.