Wats7iks?
icaaxlcts ala kulhulmc ts. wats7iks?
papinknu!
sqw'ts. knictits wa smlhk. ts'xwiixwts. Wats7iks?
Ts'lktnu!
tsitumats ala sutk ts. sqw'ts. alhits ala tap'alst. wats7iks?
Stantapilhmnu!
alhinu alh nts. lhk'uulhts. Stamts7iks?
acwsalctanu!
q'lumts alh ti smt. wats7iks?
yakinu!
sk'clitsts. sqw'ts. qwaxwlitts. Wats7iks?
qwaxwnu!
ts'xwlitsts ala sutk ts. Sk'liwalitsts ala amlh ts. Knicits wa slaws. Qiqtits. Wats7iks?
qaxnu!
Qaaxlanu c nts. anayknu c nts kamalh-smqlanu. Stamts7iks?
qlanu!
iixqlmts ala sulut ts. Knictits wa ascw. wats7iks?
syutnu!
Qiqtits. alhits ala sulh ts. ts'uliitsts. paaxuts ala k'maalhta. Wats7iks?
ank'ptsnu!
kanusyamts. Axw sqw'ts. pakpaklitts. Wats7iks?
Tsiknnu!
alhinaw wa smlhk alh nts. qlats. alhits ala smt ts. Tl'apts ula sulut ts. Stamts7iks?
Anuxumnu!
lhkw'ts. knictits wa smlhk. Mukwliitsts. Wats7iks?
nannu!
qiqtits. q'lumts ala stn. Paaxuts ala lhmk'mani. Wats'iks?
Laaktsnu!
knictits wa qax. lhkw'alhts. alh7ayts c ti puspusii. Wats7iks?
Walasyanu!
Tl'ap wa qw'xwmtimut alh nts. tsaakwts. Stamts7iks?
mnmntanu!
alhits ala asikaax ts. knictits wa ank'pts. u7ulitts. wats7iks?
tcncniinu!
knicits wa slaw. witl'axaycts. qiqtits. Alhits ala smt ts ala amlh ts. wats7iks?
Scwpanilhnu!
tam-sulhts. Alhits ala qla ts, alhits tuu ala kulhulmc ts. Knicits wa stn. Wats7iks?
qulunnu!
kanusyamts. alhi wa tsiis alh nts. alhi tuu wa peperoni alh nts. stamts7iks?
Pitsanu!