Базалық деңгей
Бюджет дефициті деген не?
Бюджет шығыстарының бюджет кірістерінен артық болуы.
Неліктен әлеуметтік шығындардың өсуі бюджет тапшылығын арттырады?
Себебі мемлекет зейнетақы, жәрдемақы, білім және денсаулық сақтау саласына көп қаржы жұмсайды.
Бюджет тапшылығының негізгі себептерінің бірін атаңыз.
Экономикалық дағдарыс.
Экономикалық дағдарыс кезінде неге бюджет тапшылығы көбейеді?
Себебі кәсіпорындардың табысы азайып, салық түсімдері төмендейді, ал мемлекет әлеуметтік шығындарды көбейтеді.
Бюджет тапшылығының негізгі себептерін атаңыз.
Экономикалық дағдарыс, әлеуметтік шығындардың өсуі, әскери шығындардың артуы, табиғи апаттар, салық жүйесінің тиімді болмауы.
Бюджет тапшылығының формуласы қандай?
Бюджет тапшылығы = Бюджет шығыстары – Бюджет кірістері.
Мемлекеттік қарыз экономиканың дамуына қалай әсер етеді?
Ол инфрақұрылымдық жобаларды қаржыландыруға мүмкіндік береді.
Циклдық бюджет тапшылығы қандай жағдайда пайда болады?
Экономикалық құлдырау кезінде.
Неліктен мемлекет кейде әдейі бюджет тапшылығын жасайды?
Экономиканы ынталандыру және инвестициялық жобаларды қаржыландыру үшін.
Циклдық тапшылық деген не?
Циклдық тапшылық – экономикалық циклге байланысты пайда болатын бюджет тапшылығы. Экономикалық құлдырау кезінде салық түсімдері азайып, мемлекет шығыстары көбейгенде туындайды.
Егер кірістер шығыстардан көп болса, бұл қалай аталады?
Бюджет профициті.
Ақша эмиссиясы неліктен қауіпті болуы мүмкін?
Ол инфляцияның өсуіне алып келуі мүмкін.
Мемлекеттік қарыздың негізгі екі түрі қандай?
Ішкі қарыз және сыртқы қарыз.
Сыртқы қарыздың экономикаға қандай тәуекелдері бар?
Экономикалық тәуелділік, валюталық тәуекел және қарыз жүктемесінің өсуі.
Құрылымдық тапшылық деген не?
Құрылымдық тапшылық – экономиканың құрылымдық мәселелеріне байланысты ұзақ уақыт сақталатын бюджет тапшылығы. Яғни бюджет кірістері тұрақты түрде шығыстарды жаба алмайды.
Мемлекеттік қарыз деген не?
Мемлекеттің белгілі бір мерзімге пайыз төлеу және қайтару шарттарымен алған қаржылық міндеттемелері
Қаржы нарығының экономикадағы рөлі қандай?
Капитал ағынын қамтамасыз етеді және инвестиция тартуға мүмкіндік береді.
Микро қаржы ұйымы деген не?
кіші және орта бизнеске шағын несие беретін ұйымдар
Неліктен инфрақұрылымдық жобалар көбіне мемлекеттік қарыз арқылы қаржыландырылады?
Себебі мұндай жобаларға үлкен қаржы қажет және олардың қайтарымы ұзақ мерзімде болады.
Уақытша тапшылық деген не?
Уақытша тапшылық – қысқа мерзімді қаржылық қиындықтар немесе уақытша табыс жетіспеушілігі салдарынан пайда болатын бюджет тапшылығы.
Қазақстанның орталық банкі қалай аталады?
Қазақстан Ұлттық банкі
Неліктен көлеңкелі экономика бюджет кірісін азайтады?
Себебі ол салық түсімдерінің төмендеуіне әкеледі.
Валюта айырбастау операцияларын қай ұйым жүзеге асырады?
Айырбастау пункттері.
Қаржы жүйесінің тұрақты жұмыс істеуі ел экономикасына қалай әсер етеді?
Экономикалық өсуді қамтамасыз етеді, инвестиция тартуға мүмкіндік береді және қаржылық тұрақтылықты сақтайды.
Нақты тапшылық деген не?
Нақты тапшылық – мемлекеттік бюджетте ресми түрде көрсетілген және есептеулер арқылы анықталған бюджет тапшылығы.