სახალისო
ლოგიკური 1
ლოგიკური 2
სპორტული
მათემატიკური
100
ამ ცხოველს კატის თავი და კატის კუდი აქვს. მას იგივე საჭმელი უყვარს, რაც კატას, მაგრამ კატა არ არის. რა არის ეს ცხოველი?
კნუტი
100
კლასში 35 მოსწავლეა. შეიძლება თუ არა, რომ თითოეული მათგანის გვარი განსხვავებული ქართული ასოებით დაიწყოს?
არა, რადგან ქართულში მხოლოდ 33 ასოა
100
გზაზე ერთ მწკრივში მიდიოდა რამდენიმე კუ. პირველმა თქვა, რომ მის უკან მიდის ორი კუ. ბოლომ განაცხადა, რომ მის წინ მიდის ორი კუ. სულ რამდენი კუ მიდის გზაზე?
გზაზე მიდის სამი კუ
100
შეიძლება თუ არა ბურთი გაისროლოთ ისე, რომ მან გაიაროს გარკვეული მანძილი, შემდეგ გაჩერდეს და დაიწყოს მოძრაობა საწინააღმდეგო მიმართულებით?
შეიძლება, თუ ბურთს მაღლა ისვრით.
100
რომელი გამონათქვამი უფრო სწორია: თოთხმეტს მივუმატოთ ცხრა იქნება ოცდაორი, არის ოცდაორი, თუ უდრის ოცდაორს?
არცერთი არ არის სწორი, რადგან 14+9=23, ანუ უნდა იყოს „ოცდასამი“
200
კბილები აქვს, მაგრამ ჭამა მაინც არ შეუძლია. რა არის?
ხერხი
200
მე-20 საუკუნეში რომელია ისეთი წელი, თავდაყირა რომ დავაყენოთ, მაინც არ შეიცვლება?
1961
200
რა არის ორი ისეთი მოვლენა, რომელიც მსოფლიოში არავის ახსოვს და არავინ იცის?
არავის ახსოვს, როდის დაიბადა და არავინ იცის, როდის მოკვდება
200
თქვენ მონაწილეობთ სირბილის ტურნირში და მოკლე დისტანციაზე გადაუსწრით მორბენალს, რომელსაც ეკავა მეორე პოზიცია. რომელი პოზიცია გიჭირავთ თქვენ ამ მომენტში?
ა) პირველი; ბ) მეორე; გ) მესამე; დ) მეოთხე; ე) პოზიციის დადგენა შეუძლებელია;
მეორე პოზიცია (თუ უპასუხებთ, რომ გიჭირავთ პირველი პოზიცია, ეს შეცდომაა, რადგან თქვენ გადაუსწარით მეორე მორბენალს და დაიჭირეთ მისი ადგილი).
200
სამასწავლებლოში დგას 6 მაგიდა - თითოეული 4 სკამით, 4 მაგიდა - თითოეული 2 სკამით და 3 მაგიდა - თითოეული 6 სკამით.
სულ რამდენი სკამია სამასწავლებლოში?
50
6x4=24 4x2=8 3x6=18 24+8+18=50
300
დემეტრე მიდის ტბისკენ. მას გზაში შემოხვდა სკოლის კლასი, რომელიც შედგებოდა 25 მოსწავლისგან, მათ თან ახლდათ 2 მასწავლებელი.10 მოსწავლეს თან ახლდა მშობელი, ხოლო 10 მშობლიდან 4 მშობელს საბავშვო ეტლით მოჰყავდათ პატარები. სულ რამდენი ადამიანი მიდის ტბისკენ?
ტბისკენ მიდის მხოლოდ ერთი ადამიანი - დემეტრე. დანარჩენები ტბიდან ბრუნდებიან.
300
როდის არის ადამიანი თავის ოთახში უთავოდ?
როცა თავი ფანჯარაში აქვს გაყოფილი
300
ყველა თვე, გარდა თებერვლისა, მთავრდება 30 ან 31 რიცხვით. რომელ თვეშია 28 რიცხვი?
28 რიცხვი ყველა თვეშია
300
სპორტულ შეჯიბრში 28 ბავშვმა მიიღო მონაწილეობა. იმ ბავშვთა რაოდენობა, რომლებიც ფინიშთან ბაქარის უკან აღმოჩნდნენ, ორჯერ მეტია იმ ბავშვებთან შედარებით, რომლებიც ფინიშთან ბაქარის წინ იმყოფებოდნენ.
რომელ ადგილზე გავიდა ბაქარი?
ის იყო მეათე.
9+1+18=28
300
60º-იან კუთხეს უყურებენ ლუპით, რომელიც გამოსახულებას ორჯერ ადიდებს. რა სიდიდის გამოჩნდება ეს კუთხე?
60º (ლუპა კუთხის გრადუსულ ზომას არ ცვლის)
400
სად უნდა მოვძებნოთ ისეთი ქალაქი, სადაც ხალხი არ ცხოვრობს?
რუკაზე
400
რა აქვთ საერთო ხარს და ვაზს?
ორივეს აქვს რქა
400
მაგიდაზე მწკრივში დგას 6 ჭიქა. პირველი სამი სავსეა წვენით, ხოლო ბოლო სამი ცარიელი.
როგორ გავაკეთოთ, რომ ცარიელი და სავსე ჭიქები მონაცვლეობდნენ ერთმანეთში (ერთი სავსე, ერთი ცარიელი და ა.შ) ისე, რომ მხოლოდ ერთხელ შეეხოთ მხოლოდ ერთ ჭიქას?
აიღეთ მეორე ჭიქა, გადაასხით მისი შიგთავსი მეხუთე ჭიქაში და დადგით ჭიქა თავის ადგილზე.
400
რა განსხვავებაა ფეხბურთელსა და ქუჩაში ქვეითად მოსიარულეს შორის?
წითელზე - ქვეითად მოსიარულე დგას, ფეხბურთელი მიდის.
400
დემეტრე შევიდა წისქვილში და თითო კუთხეში 3 კატა დაინახა.
სულ რამდენი ფეხია წისქვილში?
3x4x4+2=50.
500
ებრაელი, რომელიც დიდი ხნის განმავლობაში ცხოვრობს ისრაელში, ეხუმრება ახლად ჩასულ ებრაელს:
- უყურებ გზას? - მე ავაშენე!
- უყურებ სურათს? - მე დავხატე!
- უყურებ .....? - მე მოვკალი!
რა იგულისხმა ებრაელმა?
ჩასვით „....“-ის შემცვლელი სიტყვა წინადადებაში.
მკვდარ ზღვას
500
ორ მხედველს ერთი უსინათლო ძმა ჰყავს. ამ უსინათლო ძმას კი მხედველი ძმები არა ჰყავს. შეიძლება რომ ეს მართალი იყოს?
შეიძლება. მას ჰყავს ორი მხედველი და
500
საქართველოში დიდი ზეიმით აღინიშნება დამოუკიდებლობის გამოცხადების დღე – 26 მაისი. არის თუ არა ინდოეთში 26 მაისი?
რა თქმა უნდა, არის
500
საფეხბურთო გუნდმა 31 მატჩი ჩაატარა, აქედან 7 დაამთავრა ფრედ. ამასთან, გუნდმა სულ 64 ქულა მოაგროვა (სამი ქულა - მოგებისთვის, ერთი ქულა - ფრედ დამთავრებისთვის და ნული ქულა - წაგებისთვის).
რამდენი მატჩი წააგო გუნდმა?
ხუთი მატჩი.
რადგან 7 თამაში ფრედ დამთავრდა,
ესეიგი 64-7=57 ( ქულა)
31-7= 24 (თამაში) წაგება ქულას ვერ მისცემდა , ამიტომ 57:3=19 (მოგება) 24-19=5 (თამაში) ე.ი 5 წაგება- 0 ქულა
500
როგორ გავზომოთ დრო - 15 წუთი ორი ქვიშის საათით, თუ: ერთი საათი 7 წუთიანია; მეორე კი 11 წუთიანი?
უნდა გადააბრუნოთ ორივე საათი ერთდროულად და დაელოდოთ როდის დამთავრდება ქვიშა 7 წუთიან საათში. როგორც კი ეს მოხდება, მომენტალურად გადააბრუნოთ 11 წუთიანი საათი (მასში დარჩენილია 4 წუთი). ასე გაზომავთ სასურველ 15 წუთს.