Кандрат Крапіва гульня

Старонкі жыцця

1

Калі і дзе нарадзіўся Кандрат Крапіва?

5 сакавіка 1896 г., вёска Нізок Уздзенскага раёна Мінскай вобласці

2

Чаму бацькі далі сыну імя Кандрат?

У сям'і бацькоў да Кандрата было 8 дзяцей, але ўсе, акрамя дзвюх дзяўчынак, памерлі. Бабулькі ў вёсцы параілі, што, каб дзіця выжыла, трэба даць яму імя бацькі

3

Назавіце ў паслядоўным парадку адукацыйныя "ўніверсітэты" К. Крапiвы, дзе ён атрымліваў адукацыю?

Царкоўна-прыходская школа, гарадское вучылішча, БДУ

4

Як звалi першае каханне К.Крапівы, дзе ён сустрэўся з гэтай дзяўчынай i што яна падарыла маладому афіцэру Крапіве на развітанне?

Дачка купца з Асташкава Кацярына, яна падарыла яму на развітанне сярэбраны рубель з выявай Кацярыны Вялікай (ІІ)

5

У якіх войнах удзельнічаў К.Крапіва?

У Першай сусветнай, ваяваў на Румынскім фронце; у вызваленчым паходзе ў Заходнюю Беларусь у 1939 г.; у савецка-фінскай вайне 1940 г.; у Вялікай Айчыннай вайне

Паэт

1

Хто натхніў К.Крапіву на напісанне твораў у час яго вучобы ў Стоўбцах?

З К.Крапівой у Стаўбцоўскім вучылішчы вучыўся малодшы брат Я. Коласа Іосіф Міцкевіч, які дэкламаваў творы брата

2

Які друкаваны твор лічыцца дэбютам К.Крапівы ў літаратуры і дзе ён быў надрукаваны?

Фельетон на рускай мове "Жили-были" ў газеце "Чырвонаармейская праўда"

3

Як называюцца першыя зборнікі вершаў К. Крапівы? Назавіце хаця б адзін з іх.

"Асцё", "Крапіва".

4

_{Якое ненаўмыснае прароцтва зрабіў К.Крапіва ў радках верша "Развітанне сына":}

                    _{Лепш свабодным легчы ў полі}

                   _{Ад варожай кулі,}

                   _{Чым аддаць сябе ў няволю}

                    _{І  цябе, матуля.}

на Вялікай Айчыннай вайне загінуў сын К. Крапівы Барыс

5

Адгадайце загадкі "дзеда Кандрата" – К. Крапівы:

Ужываю я дзве солі,

Калі гэта мне да месца:

Без адной я – невясёлы,

Без другой - абед не есца.

Першая соль – нота, другая соль – сталовая соль, прыправа да ежы

Байкапісец

1

Працягніце назву баекі К. Крапівы: "Саманадзейны(...)","Дыпламаваны (...)", "Ганарысты (...)", "Дзед (...)"

"Саманадзейны (конь)", "Дыпламаваны (баран)", "Ганарысты (парсюк)", "Дзед (і баба)"

2

Аб чым хацеў сказаць К. Крапіва, пішучы байкі?

Ён хацеў выказаць праўду пра недахопы і людскія заганы

3

Байкі якога рускага байкапісца перакладаў К. Крапіва?

І.А. Крылова

4

Як называецца апошняя кніжка К.Крапівы і каму ён яе падарыў?

Загадкі дзеда Кандрата, падарыў праўнучцы Варвары

5

Пазнайце байку

Дадатак (1,2) 

"Дыпламаваны баран", "Ганарысты парсюк"

Драматург

1

Працягніце выраз з аднаго з драматычных твораў К. Крапівы "Свінтус...

Грандыёзус

2

Назавіце першы драматычны твор К.Крапівы

П'еса "Канец дружбы"

3

Якая камедыя прынесла К.Крапіве славу камедыёграфа?

Сатырычная камедыя "Хто смяецца апошнім"

4

Назавіце адмоўных і станоўчых герояў камедыі "Хто смяецца апошнім"(не менш за два стноўчых і два адмоўных)?

Станоўчыя: Левановіч, Вера, Чарнавус, цёця Каця, дворнік Нічыпар;

Адмоўныя: Гарлахвацкі, Зёлкін, Зіна Зёлкіна

5

Назавіце драматычны твор К. Крапівы і герояў

Дадатак 

 "Хто смяецца апошнім", Гарлахвацкі і Туляга

Рэдактар і навуковец

1

У якой навуковай установе працаваў К.Крапіва?

У Акадэміі навук БССР

2

Якое перыядычнае выданне рэдагаваў К. Крапіва ў час Вялікай Айчыннай вайны?

Газету-плакат "Раздавім фашысцкую гадзіну"

3

Рэдактарам якога першага ў Беларусі часопіса сатыры і гумару быў адразу пасля Вялікай Айчыннай вайны К.Крапіва?

"Вожык"

4

Якую навуковую ступень і  якое навуковае званне меў К. Крапіва?

Доктар філалагічных навук, акадэмік АН БССР

5

.Рэдактарам якіх навуковых слоўнікаў быў К.Крапіва (назавіце не менш за два)?

"Беларуска-рускі слоўнік", "Руска-беларускі слоўнік", "Тлумачальны слоўнік беларускай мовы" ў 5-ці тамах, "Дыялекталагічны атлас беларускай мовы"