Mga Paraan ng Sariling
Pag-Impok
Pag-Impok
Ano ang tawag sa simpleng lagayan ng pera o barya para sa pag-iimpok?
Alkansya/Piggy Bank
Ano ang ibig sabihin ng pagtitipid?
Ang maingat at tamang paggamit ng yaman, pera, at bagay upang maiwasan ang pag-aaksaya.
Magbigay ng halimbawa ng proyekto sa barangay na pwedeng pondohan mula sa ipon.
Pagtatayo ng community garden.
Ano ang ibig sabihin ng “aktibong pakikibahagi”?
Ang direktang pakikisangkot sa mga gawain para sa ikabubuti ng nakararami.
Magbigay ng sitwasyon kung kailan kailangan mong gamitin ang ipon.
Sa pagbili ng gamit-paaralan sa simula ng pasukan.
Magbigay ng isang halimbawa ng bagay na maaari mong ipunin at maibenta para makatulong sa pamayanan.
Magbigay ng isang paraan ng pagtitipid sa tubig.
Pagsasara ng gripo habang nagsisipilyo.
Paano nakatutulong ang pagbebenta ng recyclable materials sa pamayanan?
Nagbibigay ito ng dagdag na kita at nakababawas sa basura.
Magbigay ng halimbawa ng aktibong pakikibahagi sa pagtitipid at pag-iimpok para sa pamayanan.
Pagsali sa clean-up drive at pagbebenta ng mga nakolektang recyclable materials.
Paano mo hahatiin ang iyong ipon sa personal na pangangailangan at pagtulong sa iba?
70% para sa personal na gamit, 30% para sa pagtulong sa komunidad.
Paano nakatutulong ang paglalaan ng bahagi ng baon sa pag-iimpok?
Nakakadagdag ito sa ipon na magagamit sa mahalagang pangangailangan o proyektong makakatulong sa pamayanan.
Paano nakakatulong ang pagtitipid sa kuryente sa kalikasan at pamayanan?
Nakababawas ng polusyon mula sa planta ng kuryente at nakababawas din sa gastusin ng pamilya at pamayanan.
Magbigay ng tatlong benepisyo ng pagtitipid at pag-iimpok para sa buong komunidad.
Mas maraming pondo para sa proyekto, nababawasan ang basura, at napapabuti ang kalagayan ng mga mamamayan.
Paano makakatulong ang buong pamilya sa pagtitipid para sa proyekto ng komunidad?
Maaaring mag-ipon lahat ng miyembro, magbawas ng gastos sa kuryente at tubig, at mag-ambag sa pondo ng proyekto.
Ano ang maaari mong gawin kung kulang pa ang ipon para sa proyekto ng barangay?
Mag-organisa ng fund-raising activity o dagdagan ang pangangalap ng recyclable materials.
Magbanggit ng tatlong paraan ng pag-iimpok na hindi nangangailangan ng pera.
Pag-iipon ng bote, lata, dyaryo; pag-iipon ng binhing gulay; pag-iipon ng gamit na pwedeng ayusin at gamitin muli.
Magbanggit ng tatlong halimbawa ng pagtitipid sa pagkain na maaari ring makatulong sa iba.
Huwag maghanda ng sobra, kainin ang tira sa halip na itapon, at magbigay ng sobrang pagkain sa nangangailangan
Ipaliwanag kung paano nakatutulong sa kabuhayan ng iba ang pangongolekta ng bote, lata, at dyaryo.
Maibebenta ito sa junk shop para maging dagdag-kita o gawing bagong produkto.
Ipaliwanag kung bakit mahalaga ang kooperasyon ng mga mamamayan sa proyektong pangkomunidad.
Mas mabilis matatapos ang proyekto, mas magiging magaan ang gawain, at mas maganda ang resulta kapag nagtutulungan.
Ipaliwanag kung paano makatutulong ang ipon sa panahon ng sakuna o kalamidad.
Magagamit ito para bumili ng pagkain, gamot, at iba pang pangangailangan ng mga naapektuhan.
Ipaliwanag kung paano makatutulong sa ekonomiya ng pamayanan ang pagkakaroon ng disiplina sa pag-iimpok ng bawat tao.
Kapag lahat ay marunong mag-impok, nababawasan ang utang, nadaragdagan ang pondo para sa proyekto, at lumalakas ang lokal na ekonomiya dahil mas maraming puhunan para sa kabuhayan.
Ipaliwanag kung bakit ang pagtitipid ay hindi lamang para sa sariling kapakinabangan kundi para rin sa ikabubuti ng nakararami.
Kapag nagtitipid tayo, mas marami tayong naiiwang yaman at likas na yaman para sa iba, nababawasan ang basura, at mas napapahaba ang gamit ng ating mga pinagkukunan.
Bumuo ng maikling plano kung paano mo gagamitin ang ipon para sa isang proyektong makakatulong sa inyong pamayanan.
Mag-iipon mula sa baon, ibebenta ang mga recyclable, at gagamitin ang kinita para bumili ng mga halaman para sa community garden.
Gumawa ng mungkahing gawain sa paaralan na may kinalaman sa pagtitipid at pag-iimpok para makatulong sa kapwa.
“Barya para sa Bayan” — isang buwanang kampanya ng mga mag-aaral para mag-ipon ng barya para sa school charity fund.
Magplano ng isang aktibidad kung saan ang mga mag-aaral ay mag-iipon para sa isang makabuluhang proyekto sa paaralan.
Magdaos ng “Recycling for a Cause” kung saan lahat ng klase ay magdadala ng recyclable materials at ang kinita ay gagamitin para sa library improvement.