Жалпы фармакология
Фармакология ғылымы нені зерттейді?
Дәрілік заттардың организмге әсерін, қолдану жолдарын және олардың физиологиялық өзгерістерге ықпалын зерттейді.
Ингаляциялық наркоз дегеніміз не?
Бұл — тез буланатын сұйықтықтар (эфир, хлороформ, фторотан) немесе газдар (циклопропан, азоттың шала тотығы) арқылы деммен енгізілетін наркоз түрі.
Кофеин қандай химиялық топқа жатады?
Алкалоидтар тобына жатады (1,3,7-триметилксантинді алкалоид).
«Фармакология» атауы қай тілден шыққан және нені білдіреді?
Грек тілінен шыққан — “pharmacon” (дәрі) + “logos” (ғылым), яғни «дәрілер туралы ғылым».
Ингаляциялық наркоздың негізгі артықшылығы неде?
Наркоз дәрісін үздіксіз беріп, оның әсерін оңай бақылауға және қажет болса дереу тоқтатуға болады.
Кофеин ағзаға қандай негізгі әсер етеді?
Орталық жүйке жүйесін, жүрек пен қан тамырларын қоздырады, тыныс алуды жақсартады.
Ветеринариялық фармакологияның негізгі мақсаты қандай?
Жануарлар организміне дәрілік заттардың әсерін зерттеу, оларды емдеу мен аурудың алдын алуда дұрыс қолдану.
Ингаляциялық наркоз берудің қандай негізгі әдістері бар?
Бет маскасы арқылы, эндотрахеалды интубация арқылы, индукциялық камера арқылы
Кофеинді жануарларға енгізудің қандай негізгі жолдары бар?
Ауыз арқылы (оральды), инъекция арқылы (тері астына, бұлшық етке, қанға), тыныс алу жолдары арқылы.
Фармакодинамика нені зерттейді?
Дәрілік заттардың әсер ету механизмін, күшін және олардың организмдегі физиологиялық өзгерістерін зерттейді.
Фторотанның ингаляциялық наркоз кезіндегі артықшылығы мен кемшілігі қандай?
Артықшылығы: Тыныс жолдарын тітіркендірмейді, тез сіңеді және тез бөлінеді, уыттылығы төмен.
Кемшілігі: Наркоз сатысы тез өзгереді, тыныс алу орталығы салдануы мүмкін, брадикардия байқалады.
Кофеиннің жүрек пен қан тамырлар жүйесіне әсері қандай?
Кофеин жүрек жұмысын жақсартады, систолалық жиырылуды күшейтеді, қан айналымды жақсартады. Аз мөлшерде — қан қысымын реттейді, ал жоғары дозада — аритмия тудыруы мүмкін.
Фармакологияның алғашқы дамуы қандай елдермен байланысты?
Ежелгі Үндістан мен Қытай елдерінде фармакология ерте дамыған, кейіннен Тибет, Греция және Римге тараған.
Неліктен ингаляциялық наркоз көбінесе ұсақ жануарларға қолданылады?
Өйткені ұсақ жануарларды байлап ұстау және олардың жағдайын наркоз кезінде бақылау оңайырақ; ірі малға қолдану күрделірек және қауіпті.
Кофеин организмнен қалай бөлінеді және оның ыдырау өнімдері қанша уақыт сақталады?
Кофеин бүйрек және ас қорыту бездері арқылы бөлінеді, ал оның ыдырау өнімдері организмде бірнеше күн бойы сақталады.