Капитал
Капитал ұғымы нені білдіреді?
Капитал – табыс әкелу мақсатында өндірісте қолданылатын жинақталған материалдық және қаржылық ресурстар жиынтығы.
Банк дегеніміз не және оның негізгі қызметтері қандай?
Банк – уақытша бос ақша қаражаттарын жинақтап, оларды қарыз және инвестиция түрінде қайта бөлетін қаржы институты. Негізгі қызметтері: депозит қабылдау, несие беру, есеп айырысу, ақша аудару және валюталық операциялар.
Өндірістік қорларға не жатады?
Өндіріс процесінде пайдаланылатын шикізат, материал, жартылай фабрикат және дайын өнім қорлары.
Активтер дегеніміз не?
Бұл – кәсіпорын иелігіндегі экономикалық ресурстар, болашақта табыс әкелетін құндылықтар.
Үш адам үш күнде үш үй салады. Ал тоғыз адам тоғыз үйді неше күнде салады?
Үш күнде. Себебі әр адам үш күнде бір үй салады.
Капиталдың негізгі және айналым түрлерінің айырмашылығы неде?
Негізгі капитал ұзақ мерзімді активтерге (ғимарат, құрал-жабдық), ал айналым капиталы қысқа мерзімде айналып, өндіріс процесінде толық тұтынылатын ресурстарға (шикізат, ақша) жатады.
Қазақстан Республикасындағы орталық банктің атауы және оның басты міндеті қандай?
Қазақстан Республикасының Ұлттық Банкі – елдің басты эмиссиялық және ақша-кредит саясатын реттейтін органы. Оның міндеті – ұлттық валютаның тұрақтылығын сақтау және қаржы жүйесінің қауіпсіздігін қамтамасыз ету.
Қорларды басқару не үшін маңызды?
Артық қорлар – капиталдың бос тұрып қалуына, ал жетіспеушілік – өндірістің тоқтауына әкеледі.
Материалдық және материалдық емес активтердің айырмашылығын түсіндір.
Материалдық активтер – физикалық нысаны бар (жабдық, ғимарат), ал материалдық емес активтер – нысаны жоқ, бірақ құнды (патент, бренд).
Бір адам қала сыртындағы жолмен кетіп бара жатып, жаңбыр астында қалып қояды. Қолында шатыр да, басында бас киім де жоқ, бірақ шашы суланбаған. Қалай мүмкін?
Ол таз (шашы жоқ).
Кәсіпорын капиталының құрылымын оңтайландыру не үшін қажет?
Қаржылық тұрақтылық пен табыстылықты арттыру үшін, яғни қарыз және меншікті капиталдың тиімді қатынасын орнату мақсатында.
Екінші деңгейлі банктердің рөлі неде?
Олар жеке және заңды тұлғаларға банк қызметін көрсетеді, яғни халық пен кәсіпорындардың ақшасын айналымға тартып, экономикалық өсімді қолдайды.
Қорларды тиімді басқару үшін қандай тәсілдер қолданылады?
Қорларды басқарудың негізгі тәсілдері – сұранысты дәл болжау, минималды және максималды қор деңгейін анықтау, автоматтандырылған есеп жүргізу, жеткізушілермен тұрақты келісім орнату және айналым жылдамдығын бақылау.
Негізгі құралдардың тозуы нені білдіреді?
Активтердің физикалық және моральдық тұрғыдан ескіруі, олардың құнының біртіндеп төмендеуі.
Анаңның сіңлісінің жездесі саған кім болады?
Сенің әкең
Капиталдың рентабельділігі қалай есептеледі және ол не көрсетеді?
ROE = Таза пайда / Меншікті капитал × 100%. Бұл көрсеткіш кәсіпорын акционерлерінің салған капиталы қаншалықты тиімді жұмыс істейтінін көрсетеді.
Kaspi Bank пен Halyk Bank нарықтағы бәсекелестікті қалай қалыптастырып отыр?
Kaspi Bank цифрлық экожүйесі (Kaspi.kz қосымшасы) арқылы клиенттерге ыңғайлы онлайн қызмет ұсынады, ал Halyk Bank дәстүрлі банк және инвестициялық бағыттарды дамытып, кең филиалдық желісі арқылы нарық үлесін сақтап отыр.
Егер кәсіпорында шикізат қоры артық болса, бұл оның қаржылық жағдайына қалай әсер етуі мүмкін?
Артық қорлар айналым қаражатын «байлап» қояды, яғни бос ақша азаяды, сақтау шығындары артады және қаржы айналымының жылдамдығы төмендейді.
Активтердің өтімділігі неге байланысты?
Нарықтағы сұранысқа, актив түріне және оны ақшалай қаражатқа айналдыру жылдамдығына.
Бір үйде төрт бұрыш бар. Әр бұрышта бір мысық отыр. Әр мысықтың алдында үш мысық отыр. Барлығы неше мысық бар?
Төрт. Себебі әр бұрыштағы мысықтар бір-бірін көріп тұр.
Егер компания дивиденд төлемей, пайданы қайта инвестицияласа — бұл капиталға қалай әсер етеді?
Мұндай саясат меншікті капиталды арттырады, себебі пайда резервке жіберіледі, нәтижесінде кәсіпорынның нарықтық құны мен ұзақ мерзімді өсу әлеуеті ұлғаяды.
Егер базалық пайыздық мөлшерлеме Ұлттық банк тарапынан өссе, бұл коммерциялық банктердің клиенттеріне қалай әсер етеді?
Несие алу қымбаттайды (пайыз өседі), ал депозит бойынша табыс жоғарылайды. Бұл ақша айналымын баяулатып, инфляцияны тежеу мақсатында қолданылады.
Өндіріс процесінде қорлар үнемі жетіспей жатса, кәсіпорын қандай қиындықтарға тап болады?
Өндіріс тоқтап қалуы мүмкін, тапсырыстар уақытында орындалмайды, бедел мен табыс төмендейді, клиенттер бәсекелеске кетуі ықтимал.
Егер активтердің 70%-ы ұзақ мерзімді болса, кәсіпорынның қаржылық саясаты қандай сипатта деп айтуға болады?
Кәсіпорын ұзақ мерзімді тұрақтылыққа бағытталған, бірақ өтімділігі төмен болуы мүмкін, яғни қысқа мерзімді міндеттемелерді өтеу қиындайды.
Үш дос: Арнур, Асыл және Абылайхан. Олардың бірі банкир, бірі экономист, бірі бухгалтер. Арнур банкир емес. Асыл бухгалтер емес. Экономист – Арнур емес. Кім кім?
Арнур – бухгалтер
Асыл – банкир
Абылайхан – экономист