Cacaang Umnak
Dawtnak cu dongh a thiam lo. Profet bia chim khawhnak laksawng cu a dong lai, holh dangdang chim khawhnak cu a dong lai, hngalhnak zong a lo lai.
1 Korin 13:8
Matthai 6:9-13
Vancung khua i a ummi kan Pa, na min cu thianter si ko seh. Na Pennak tlung ko seh. Vancung ah na duhnak a tlin bantuk in vawleicung zong ah tling ve ko seh. Nihin caah kan herhmi rawl kha rak kan pe ko. Midang sualnak kan ngaihthiam hna bantuk in kan sualnak zong rak kan ngaithiam ve. Tukforhnak ah kan tlak nakhnga lo rak kan bawm law miṭhalo pa kut in rak kan khamh ko.
Thlaraulei nih a chuahtermi ziaza cu zei hna dah a si?
Dawtnak, lawmhnak, daihnak, lungsaunak, zaangfahnak, ṭhatnak, zumhnak, nemnak, mahle mah i uk khawhnak
“Uico kha a thiangmi thil pe hlah u, vok hmai zong ah lungvar thla hlah u. An ke in an lamh lai i nanmah tu kha an in seh ṭhan hna lai." (Matthai 7:6)
Baibal biatak cu a sunglawi tukmi a si. Phungchim rian ah biatak a sunsak lomi hna he kan i ton tikah a caan tampi kan pek hna awk a si lo.
Ngai law, Zul law, Thluachuah Hmu
Pathian duhnak na theihmi ngai law, zul law, thluachuah hmu. Lunglawmhnak, daihnak hmuh na duh ahcun, ngai law, zul law, thluachuah hmu.
Unau rual i rem tein khuasakṭi hi zeitluk in dah a ṭhat i a nuamh!
Salm 133:1
Lamkaltu 10:34, 35
Mah tikah Peter nih hitin a ti: “Pathian cu thleidannak a ngei lo ti kha fiang tein ka hngalhthiam cang. Zei miphun a si hmanh ah amah a ṭih i a hmaanmi thil a tuahmi paoh cu a cohlan ko hna."
Israel phun 12 lakah phunkhat cu ram ro zeihmanh an co lo. Ahote dah an si?
Levi mi
"Saphawcua hlun chung ah mitsur zu thar an rawng bal lo. An rawn ahcun saphawcua cu a kek lai i mitsur zu zong a zut lai. Cun saphawcua zong a rawk lai. Cucaah mitsur zu a thar cu saphawcua a thar chung ah an rawn tawn i an pahnih in an him veve." (Matthai 9:17)
Moses Nawlbia cu saphawcua hlun bantuk a si i Khrih cawnpiakmi cu saphawcua thar bantuk a si. Jesuh nih Judah biaknak remh awkah a ra lo. Mah canah biaknak thar ser awk tu ah a ra.
Pathian nih Thazaang Aan Pek hna Lai
Jesuh thisen in cawkmi, Pathian ta nan si cang. Aan fehter hna lai i, thazaang aan pek hna lai. Nan sin a um zungzal caah lam aan hruai hna lai. Aan fehter hna lai i, thazaang aan pek hna lai.
Mithiang mi kha an herhbaumi va peṭhen hna u. Khual dawtnak langhter kha nan zia ah canter u.
Rom 12:13
Phungthlukbia 13:20
Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.
Salm Baibal ah dal pa zeizat dah a um?
Dal 150
"Na ral cu a paw a ṭam ahcun ei awk va pe; a ti a hal ahcun din awk va pe. Cutin na tuah ahcun a lu cung ah meiṭil na chonh a si lai." (Rom 12:20)
Meitil nih thir ti bantuk a hak tukmi thil hmanh a nemter khawh. Cu bantuk in kan ral cung ah zaangfahnak kan langhter tikah an lung a hak tuk nakhnga lo a bawmh khawh hna.
Hmaikal Nunning
Kan i thimmi a si; Jehovah ca nun ding. A kan fialmi zei paoh kan tuah lai. Ni linh zong, ruah sur zong, A rian kan ṭuan zungzal. Nifate hitin kan chim zungzal: “Kaan dawt tuk.”
Ka fapa, Bawipa chimhhrinnak cu zei rel loin um hin hlah. An mawhchiatnak nih cun in nor hlah seh, Zeicahtiah pa nih a duhmi a fapa cu a chimhhrin bang in Bawipa nih a dawtmi kha a chimhhrin ve hna.
Phungthlukbia 3:11, 12
Salm 139:16
Ka chuah hlan in na rak ka hmuh diam cang. Ka ca i na sermi ni hna cu na cauk chung ah an rak i khumh diam cang, hram an i thawk hlan hmanh khan an i ṭial diam cang.
Tipil Petu Johan thilpuan cu zei in dah ser a si?
Kalauk hmul
Ka Pa inn ah umnak hmun tampi a um. Cutin a si lo ahcun hitihin kaan chim hna hnga lo. Nan caah hmun va timh awkah ka kal lai. Ka kal lai i nan caah hmun ka va timh dih in ka rak kir ṭhan lai. Ka umnak hmun ah nannih zong nan um khawh ve nakhnga kaan lak hna lai. (Johan 14:2, 3)
A zultu hna cu van an kai hlanah Jesuh cu a thi hmasa i van a kai hmasa a hau. Umnak hmun a serpiak hna a hau caah si loin a thisen man kha Pathian a pek hmasa a hau ca tu ah a si.
Ralṭhatnak Ka Pe
Jehovah, thazaang ka pe ko. Ralṭhatnak ka pe ko. Dotu nak kan lei ṭang an tam kha hmuh khawh awkah ka bawm. Ka pe, thazaang ka pe; ralṭhatnak ka pe ko. Jehovah, teinak hmuh lai a fiang tuk hringhran ko.
Cu thil vialte leng ah zumhnak phaw nganpi kha i ken u. Mah phaw cun miṭhalo pa kahmi mei cantiang vialte kha nan hmih khawh lai.
Efesa 6:16
Phungchimtu 7:12
Zeicahtiah fimnak nih cun tangka tluk in lung hnangamnak a pek khawh i hngalhnak nih ṭhatnak a pek khawhmi cu hihi a si: hngalhnak a ngeimi nih cun fimnak a hmuh i fimnak nih cun him tein a umter.
Judah siangpahrang pa zeizat dah an umi? Israel siangpahrang tah pa zeizat dah an um?
Judah- 20
Israel- 19
Lazaruh le mirum pa kong Jesuh chimmi cu zei sullam dah a si? (Luka 16:19-31)
Mirum pa nih Judah biaknaklei hruaitu pawl kha a aiawh. Jesuh chimmi kha zei ah an rel lo i mi sawhsawh pawl kha an nautat hna. Lazaruh nih Jesuh bia a cohlangmi, mi sawhsawh pawl kha a aiawh. An phuhnih ning in an sining cu aa thleng dih. Judah biaknaklei hruaitu hna nih Pathian mithmai ṭha kan hmu tiah an i ruat. Asinain Jesuh kha an cohlan lo caah Pathian nih a cohlang hna lo. Cucaah a thimi bantuk an si. Mi sawhsawh pawl cu Jesuh cawnpiakmi kha an cohlan caah ṭhatnak an hmu. Annih cu a zungzal in Pathian mithmai ṭha hmuhnak caanṭha an ngei cang.
Hmailei Fong U, Nannih Tehte Hna!
Cuca’h Tehte hna, lungṭhawng in hmaiah fong u! Pathian rian nan ṭuan khawh caah nan lunglawm u! Khuazakip kal law, thanh u Paradis naihnak, a rauhhlan ah thluachuah kan hmu cang lai.