TikTok Трендтері және Анатомия
TikTok-тағы «Aged filter» (қартайту) фильтрі бетке әжім қосады. Терінің жастығы мен серпімділігіне жауап беретін негізгі нәруыз (белок) қалай аталады?
Жауабы: Коллаген
Көздің тор қабығына түскен кескінді миға жеткізетін «кабель» сияқты жүйке қалай аталады
Жауабы: Көру жүйкесі)
Неліктен біз қатты қорыққанда немесе емтихан алдында толқығанда жүрегіміз тез соғып, алақанымыз терлейді? Мидың осындай «Қаш немесе соғыс» (Fight or Flight) реакциясына жауап беретін бөлігі қалай аталады?
Жауабы:Амигдала (Бадамша дене). Ол эмоциялар мен үрейге жауап береді.
Саусақ ізінен де дәлірек және өмір бойы өзгермейтін көздің бөлігі.
Жауабы: Көздің нұрлы қабығы / Радужка
Адам ағзасына чип немесе механикалық бөлшек орнатылған «жартылай адам-жартылай робот».
Жауабы: Киборг
«Мьюинг» (Mewing) тренді бойынша тілді таңдайға жапсыру арқылы бет пішінін өзгертуге болады дейді. Бұл әдіс қай сүйектің (жоғарғы жақ) пішініне әсер етуді көздейді?
Жауабы: Максилла / Maxilla
Ой күшімен басқарылатын бионикалық протездер бұлшықеттегі қандай сигналдарды оқиды?
Жауабы: Электрлік импульстер / Миосигналдар
Неліктен біз смартфондағы әлеуметтік желілерді (TikTok, Instagram) қайта-қайта парақтағымыз келеді? Мидағы қай нейромедиатор бізге «қысқа мерзімді ләззат» беріп, тәуелділік тудырады?
Жауабы:Дофамин.
Адамның дауысын, жүрісін немесе жазу мәнерін тану биометрияның қай түріне жатады?
Жауабы: Динамикалық биометрия
Илон Масктың ми мен компьютерді байланыстыратын жобасы.
Жауабы: Neuralink
Блогерлер жиі айтатын «Дофаминді детокс» — бұл мидың «марапаттау» жүйесін демалдыру. Дофамин гормоны ағзада не үшін жауап береді?
Жауабы: Ләззат алу, мотивация және қуаныш сезімі
Жүрек соғысының ырғағын бақылап, оны реттеп отыратын тері астына орнатылатын құрылғы.
Кардиостимулятор
Спортшылар немесе музыканттар жаттығу жасағанда мидағы нейрондардың арасында жаңа байланыстар пайда болады. Мидың өмір бойы өзгеру және жаңа нәрсені үйрену қабілеті ғылымда қалай аталады?
Жауабы:Нейропластика.
ЖИ көмегімен жасалған, басқа адамның бетін салып қойған жалған видео.
Жауабы: Дипфейк / Deepfake
Роботтардың адамға зиян келтірмеуі туралы 3 заңды кім ойлап тапты?
Жауабы: Айзек Азимов
«ASMR» видеоларды тыңдағанда құлақтың ішіндегі ең кішкентай үш сүйекше дірілдейді. Оларды атаңыз.
Жауабы: Балғашық, төс, үзеңгі
Бүйрек жұмыс істемей қалғанда қанды жасанды жолмен тазартатын аппарат.
Жауабы: Гемодиализ аппараты
«Тез ұйықтап, миды демалдыру» үшін мамандар жатын бөлмеде гаджеттерді қолданбауды ұсынады. Смартфон экранынан бөлінетін қандай түсті жарық миға «әлі күн батқан жоқ» деген қате сигнал береді?
Жауабы:Көк жарық (Blue light).
Телефондағы саусақ ізі сканері суретті емес, терінің бедерін қалай сезеді?
Жауабы: Электрлік сыйымдылық немесе ультрадыбыс арқылы
ДНҚ-ны өңдеп, болашақта ауруларды ген деңгейінде емдейтін технология.
Жауабы: CRISPR
Түнде смартфоннан бөлінетін «көк жарық» (blue light) ұйқы гормонының бөлінуін тежейді. Бұл қай гормон?
Жауабы: Мелатонин
Болашақта адам жадын жақсарту үшін мидың есте сақтауға жауапты қай бөлігіне чип орнатылуы мүмкін?
Жауабы: Гиппокамп
Адам миы ақпаратты сақтауда ЖИ-ден озық болғанымен, энергияны өте аз жұмсайды. Ми бар болғаны 20 Ватт (кішкентай шам сияқты) энергия тұтынады. Ми бұл энергияны қай жерден алады және ЖИ оны неге қайталай алмайды?
Жауабы: Ми энергияны биологиялық жолмен — қандағы глюкоза мен оттегінен алады. ЖИ (суперкомпьютерлер) миллиондаған Ватт электр энергиясын қажет етеді, себебі оларда мидағыдай тиімді «биологиялық отын» жүйесі жоқ.
Биометриялық «Liveness check» тесті не үшін қажет?
Жауабы: Экран алдында фотосурет емес, тірі адам тұрғанын тексеру үшін
«Цифрлық өлместік» (Digital Immortality) деген не?
Жауабы: Адамның санасын немесе мінез-құлқын толықтай компьютерлік форматқа көшіру