MOLIYANING ASOSLARI
Moliya nima?
Pul mablag‘larini shakllantirish, taqsimlash va ulardan foydalanish bilan bog‘liq iqtisodiy munosabatlar.
Moliyaviy tizimning asosiy institutlaridan biri?
Bank.
Qimmatli qog‘ozlar sotiladigan bozor nima deb ataladi?
Qimmatli qog‘ozlar bozori.
Moliyaviy risk nima?
Moliyaviy qaror natijasida kutilgan natijaga erisha olmaslik yoki zarar ko‘rish ehtimoli.
FinTech so‘zi nimani anglatadi?
Moliyaviy texnologiyalar.
Moliyaviy resurslarning asosiy manbalaridan biri nima?
Daromadlar.
Markaziy bankning asosiy vazifalaridan biri nima?
Pul-kredit siyosatini amalga oshirish.
Aksiya egasiga qanday huquq beradi?
Kompaniyada ulushga egalik qilish va ayrim hollarda dividend olish huquqini.
Investitsiya nima?
Kelajakda daromad yoki boshqa iqtisodiy samara olish maqsadida mablag‘larni joylashtirish.
Mobil banking nima?
Bank xizmatlaridan mobil qurilmalar orqali foydalanish imkoniyati.
Davlat moliyasining asosiy bo‘g‘inlaridan biri nima?
Davlat budjeti.
Tijorat banklarining asosiy faoliyatlaridan biri nima?
Kredit berish va depozitlarni jalb qilish.
Obligatsiya nima?
Emitentning investor oldidagi qarz majburiyatini tasdiqlovchi qimmatli qog‘oz.
Diversifikatsiya nima uchun qo‘llaniladi?
Riskni kamaytirish uchun mablag‘larni turli aktivlarga taqsimlash.
Islomiy moliyaning asosiy tamoyillaridan biri nima?
Ribo (foiz), maysir (qimor) va gharar (haddan tashqari noaniqlik)ni cheklash.
Korxonaning o‘z mablag‘lari tarkibiga nimalar kiradi?
Ustav kapitali, taqsimlanmagan foyda va boshqa o‘z mablag‘lari.
Sug‘urta kompaniyasi qanday moliyaviy xizmat ko‘rsatadi?
Risklarni sug‘urtalash va sug‘urta himoyasini ta’minlash.
Aksiya va obligatsiyaning asosiy farqi nimada?
Aksiya kompaniyadagi mulkiy ulushni, obligatsiya esa qarz majburiyatini bildiradi.
Agar investor barcha mablag‘ini faqat bitta kompaniya aksiyasiga joylashtirsa, qanday risk oshadi?
Konsentratsiya va diversifikatsiya qilinmagan investitsiya riski.
Moliyaviy inklyuziya nima?
Aholi va biznes subyektlarining qulay, maqbul va sifatli moliyaviy xizmatlardan foydalanish imkoniyatini kengaytirish.
Moliyaning taqsimlash funksiyasi nimani anglatadi?
Yaratilgan daromad va moliyaviy resurslarni iqtisodiyot subyektlari o‘rtasida taqsimlash va qayta taqsimlashni.
Moliyaviy vositachilar iqtisodiyotda qanday vazifani bajaradi?
Bo‘sh pul mablag‘larini jamlab, ularni mablag‘ga ehtiyoji bo‘lgan subyektlarga yo‘naltiradi.
Moliyaviy bozorning asosiy vazifalaridan biri nima?
Bo‘sh pul mablag‘larini mablag‘ga ehtiyoji bo‘lgan iqtisodiyot subyektlariga yo‘naltirish va kapitalning samarali taqsimlanishini ta’minlash.
Nima uchun yuqori kutilayotgan daromad odatda yuqoriroq risk bilan bog‘liq bo‘ladi?
Yuqori daromad imkoniyati investor zimmasiga ko‘proq noaniqlik va zarar ehtimolini olishni talab qilishi mumkin.
Uy xo‘jaliklari moliyasining asosiy elementi nima?
Oila budjeti.