A
Diqqat nima?
Diqqat — bu miyamiz va ongimizning ma'lum bir narsaga qaratilishi va unga to'planishidir.
Diqqatning asosiy vazifasi nimadan iborat?
Kerakli ma'lumotlarni ajratib olish va diqqatni shu ishga qaratib turishdir.
Ixtiyorsiz diqqat nima?
Hech qanday iroda va kuch sarflamasdan, kutilmagan yoki yorqin narsalarga o'z-o'zidan qaratilgan diqqatdir (masalan, qattiq gursillagan ovozga qarash).
Ixtiyoriy diqqat nima?
Oldindan maqsad qo'yib, kuch va iroda sarflab jamlanadigan diqqatdir (masalan, dars tayyorlash).
Ixtiyoriydan keyingi diqqat nima?
Avval kuch bilan boshlanib, keyin ishga qiziqib ketganimiz sababli qiyinchiliksiz davom etadigan diqqatdir
Diqqat hajmi nima?
Bir vaqtning o'zida ongimiz aniq ko'ra oladigan narsalar soni (kattalarda 4–6 ta narsa).
Diqqatning bo'linishi nima?
Bir vaqtda ikkita ishni birday bajarish qobiliyati (masalan, mashina haydab ketib gaplashish).
Diqqatning ko'chishi nima?
Diqqatni ongli ravishda bir ishdan ikkinchi ishga tezda o'tkazish.
Diqqat chalg'ishi nima?
Tashqi xalaqit beruvchi narsalar sababli diqqatning bo'linib ketishi.
Parishonxotirlik nimadan kelib chiqadi?
Ko'p charchash, uyquga qonmaslik, ruhiy zo'riqish va bir xil zerikarli ishlar qilishdan.
Sezgi nima?
Sezgi — bu narsalarning alohida xususiyatlarini (rangi, hidi, mazasi, issiq-sovuqligi) sezgi a'zolarimiz orqali aks ettirishdir.
Analizator nima?
Sezgini hosil qiluvchi a'zolar tizimi (retseptor, nerv yo'li va miya markazi).
Retseptor nima va u nima qiladi?
Bu sezgi a'zolaridagi (ko'z, quloq, teri) ta'sirni qabul qilib, miyaga signal yuboruvchi qismdir.
Eksteroretseptorlar nima?
Tanamiz sirtida joylashgan va tashqi olamni sezuvchi retseptorlar (ko'z, quloq, teri).
Interoretseptorlar nimani sezadi?
Tanamizning ichki a'zolaridagi o'zgarishlarni sezadi (masalan: ochlik, chanqoq, og'riq).
Proprioretseptorlar nima uchun kerak?
Muskullarda joylashgan bo'lib, tanamizning harakati va muvozanatini bildirib turadi.
Ko'rish sezgisi qancha axborot beradi?
Tashqi olam haqidagi axborotning 80–90% qismi ko'z orqali qabul qilinadi.
Eshitish sezgisining foydasi nimada?
Odamlar bilan muloqot qilish, nutqni tushunish va musiqadan zavqlanish imkonini beradi.
Teri sezgisiga nimalar kiradi?
Issiq-sovuqni sezish, ushlab ko'rish (taktil) va og'riqni sezish.
Hid bilish va ta'm bilish qanday bog'langan?
Ular birgalikda ishlaydi; masalan, burnimiz bitib qolsa, ovqatning mazasi ham unchalik bilinmaydi.