Онлайн платформалар
Дистанциялык окутууда видео сабактарды өткөрүү үчүн эң популярдуу кайсы платформалардын бири кайсы?
Google Meet
Жасалма интеллектке берилген тапшырма же суроо кандай аталат?
Промпт (Prompt).
Эгерде мен окуучуга баарын даяр берип койсом, ал жеңил жолду тандайт. Эгерде мен ага эч нерсе бербесем, ал адашат." Мугалим бул жерде кайсы "алтын ортолукту" табышы керек?
Фасилитация (багыттоо). Мугалим даяр жоопту бербей, окуучуну жоопко алып баруучу суроолорду бериши керек.
Кайсы онлайн платформа мугалимге бир эле учурда:
Презентация жасоого;
Видео монтаждоого;
Мектептин логотибин чийүүгө;
Окуучуларга диплом даярдоого мүмкүнчүлүк берет?
Canva
Окуучуларга үй тапшырмасына интерактивдүү оюндарды (пазл, кроссворд) түзүүчү эң белгилүү европалык сайт?
LearningApps.
"LMS" деген эмне жана ал мугалимге эмне үчүн керек?
Learning Management System (Окутууну башкаруу системасы). Мисалы: Google Classroom же Moodle. Ал материалдарды сактоо, тапшырма берүү жана баалоо үчүн колдонулат.
Мугалим AI колдонгондо кандай этикалык маселеге көңүл бурушу керек?
Маалыматтын тактыгын текшерүү (AI кээде ката кетириши мүмкүн) жана окуучулардын жеке маалыматтарынын коопсуздугу.
Сизде бир гана ширеңке бар. Сиз караңгы жана муздак бөлмөгө кирдиңиз. Ал жерде май лампасы, отун меши жана шам турат. Биринчи эмнени күйгүзөсүз?
Ширеңкени.
Сүрөттөгү текстти терип олтурбай, аны заматта санариптик текстке айландырган Google'дун кызматы?
Google Lens (же Google Текст таануу).
Дизайн жасоодо "Template" деген эмне?
Даяр шаблон (үлгү).
"Interactive Whiteboard" (Интерактивдүү такта) катары колдонула турган онлайн сервис кайсы?
Jamboard, Miro, Padlet же Whiteboard
Сиз жасалма интеллектке (мисалы, ChatGPT) математикалык татаал маселени же тарыхый фактыны текшерүү үчүн бердиңиз. Ал сизге абдан ишенимдүү түрдө, логикалык жактан туура сезилген, бирок иш жүзүндө ката жоопту берди. ЖИнин мындай "олуттуу түрдө калп айтуу" кубулушу илимде кандай аталат жана мугалим мындай учурда окуучуларга кандай кеңеш бериши керек?
Бул кубулуш "Галлюцинация" (Hallucination) деп аталат. Мугалим окуучуларга ЖИ берген маалыматты ар дайым ишенимдүү булактар (окуу китептери, энциклопедиялар) аркылуу кайра текшерүүнү (Fact-checking) үйрөтүшү керек.
Жасалма интеллект эч качан мугалимдин ордун баса албаган эң башкы сапат кайсы?
Эмпатия (сезимдерди түшүнүү), тарбия берүү жана окуучуга эмоционалдык колдоо көрсөтүү.
Canva платформасында даяр дизайндын ичиндеги буюмду бир эле басуу менен өчүрүп салган функция кандай аталат?
Magic Eraser (Сыйкырдуу өчүргүч).
ChatGPT бул — издөө системасыбы (Google сыяктуу) же маектешүүчү ботпу?
Маектешүүчү бот (Чат-бот).
Окуучулардан тест алууда же сурамжылоо жүргүзүүдө кайсы акысыз онлайн инструментти колдонуу ыңгайлуу?
Google Forms,
Сүрөт генерациялоочу (текстти сүрөткө айланткан) жасалма интеллекттерди атаңыз.
Midjourney, DALL-E, Canva Magic Media.
Бир мугалимдин классында 30 окуучу бар. Ал баарына бирдей тапшырма берди, бирок жыйынтыгында 30 түрдүү жооп алды. Бул мугалимдин катасыбы же ийгилигиби?
Эгер бул чыгармачылык тапшырма болсо — ийгилик (индивидуалдуулук). Эгер бул так математикалык эсеп болсо — демек, нускама так берилген эмес.
Жасалма интеллект (ЖИ) маалыматты тез табат, катаны заматта оңдойт жана 24 саат иштейт. Мугалим ЖИ менен атаандашпай, тескерисинче, андан озуп кетиши үчүн өзүнүн кайсы 3 сапатын өнүктүрүшү керек?
Критикалык ой жүгүртүү
Эмоционалдык интеллект
Креативдүүлүк
Мугалим өзүнүн онлайн курсун же классын акысыз түзө алган Google сервиси?
Google Classroom.
Сиз окуучуларга Padlet (же башка онлайн такта) аркылуу үй тапшырмасын берип, ар бир окуучу өзүнүн оюн жазууну тапшырдыңыз. Бирок сабак башталганда, бардык окуучулардын жооптору бири-бириникине окшош (көчүрүлгөн) экенин байкадыңыз.
Бул жерде техникалык жактан мугалим кайсы функцияны күйгүзүүнү унутуп калган жана бул маселени кантип чечсе болот?
Техникалык ката: Мугалим платформанын жөндөөлөрүнөн "Approval" (Модерация) же "Hidden comments" функциясын күйгүзгөн эмес. Эгер бул функция күйүп турса, окуучулар башкалардын жообун мугалим уруксат бермейинче көрө алышпайт.
AI колдонууда негизги коркунуч кайсы?
Маалыматтын туура эместиги жана плагиат.
3 мугалим 3 күндө 3 сабак даярдайт. 6 мугалим 6 күндө канча сабак даярдайт?
12 сабак
Эгерде сизге окуучулардын билимин тез арада текшерүү керек болсо, бирок класста интернет такыр жок болсо, кайсы онлайн платформанын жардамы менен (мугалимдин телефону гана иштесе жетиштүү) тест өткөрсө болот?
Plickers. (Бул платформада окуучуларга кагаздан жасалган QR-коддор берилет, мугалим телефонун камерасы менен аларды сканерлеп, жыйынтыгын дароо көрө алат).
Сизге бейтааныш адамдан "Сиз утушка ээ болдуңуз, бул шилтемени басыңыз" деген билдирүү келсе, эмне кылуу керек?
Шилтемени баспай, билдирүүнү өчүрүү (Фишингден коргонуу).