ISLOM
Islom dini qachon va qayerda paydo bo‘lgan?
Islom dini milodiy VII asrda, Arabiston yarim orolining Makkai mukarrama shahrida paydo bo‘lgan.
Muhammad (s.a.v.) kim bo‘lgan va ularning asosiy vazifasi nimadan iborat edi?
Muhammad (s.a.v.) Allohning oxirgi payg‘ambari bo‘lib, insonlarga to‘g‘ri yo‘lni ko‘rsatish va yagona Allohga iymon keltirishga chaqirish ularning vazifasi edi.
Namozning inson hayotidagi o‘rni va ahamiyati haqida so‘zlab bering.
Namoz insonni poklaydi, sabrli va tartibli qiladi, Alloh bilan bog‘laydi, yomonliklardan qaytaradi.
“Islom” so‘zi qanday ma’noni bildiradi?
“Islom” arabcha so‘z bo‘lib, bo‘ysunish, tinchlik va Allohga itoat degan ma’noni anglatadi.
. Payg‘ambarimiz (s.a.v.)ga birinchi vahiy qanday sharoitda nozil bo‘lgan?
U zot 40 yoshlarida Hiro g‘orida ibodat qilayotgan paytlarida, Jabroil (a.s.) orqali birinchi vahiy — “Iqra’” (O‘qi!) so‘zi nozil bo‘lgan.
Ro‘za tutishning ma’naviy va jismoniy foydalari nimalardan iborat?
Ro‘za sabr, taqvo, rahm-shafqatni o‘rgatadi, inson tanasini tozalaydi va sog‘lomlashtiradi.
QUR'ON NIMA VA KIMGA NOZIL BO'LGAN?
Qur’on — Islom dinining muqaddas kitobi, u Muhammad (s.a.v.)ga Jabroil farishta orqali nozil qilingan.
Islom dinining besh ruknini sanab bering.
1) Shahodat, 2) Namoz, 3) Ro‘za, 4) Zakot, 5) Haj.
Zakot nima va u jamiyatda qanday ahamiyatga ega?
Zakot — boy musulmonlarning kambag‘allarga moliyaviy yordami. U jamiyatda tenglik va mehrni kuchaytiradi.
Qur’on necha sura va oyatdan iborat?
Qur’on 114 sura va taxminan 6236 oyatdan iborat.
“Kalima shahodat”ning mazmuni nima?
Allohdan o‘zga iloh yo‘q, Muhammad (s.a.v.) Allohning rasulidir” degan e’tiqod so‘zi.
Haj ibodati qayerda va qanday ado etiladi?
Haj Makkada ado etiladi. Musulmonlar Ka’bani tavof qiladi, Arafotda turadi, Qurbonlik qiladi.
Payg‘ambarimiz (s.a.v.)ning bolalik davridan bir voqeani aytib bering.
U zot kichikligida Halima onaning qo‘lida tarbiya topgan va yoshligidan halolligi bilan tanilgan.
Hijrat voqeasi haqida nimalarni bilasiz?
Hijrat — musulmonlarning Makkadan Madinaga ko‘chishi bo‘lib, u 622-yilda sodir bo‘lgan. Shu yildan islomiy taqvim boshlanadi.
“Laylatul-Qadr” kechasi nima uchun muhim hisoblanadi?
Bu kechada Qur’on nozil bo‘lgan, u ming oydan afzal deb aytiladi.