Bank hisobvaragʻi va uning turlari
Bank hisobvaragʻiga to'g'ri ta'rif bering
bank tomonidan shartnoma asosida mijozga ochiladigan hisob bo‘lib, bank unga kelib tushgan mablag‘larni qabul qiladi va hisobga oladi, mijoz topshirig‘iga binoan mablag‘larni o‘tkazadi, beradi hamda boshqa bank operatsiyalarini bajaradi.
Xo‘jalik yurituvchi subyekt uchun qaysi hisobvaraq asosiy talab qilib olinguncha depozit hisobvarag‘i hisoblanadi?
Davlat ro‘yxatidan o‘tgandan so‘ng milliy valyutada birinchi marta ochilgan talab qilib olinguncha depozit hisobvarag‘i asosiy hisobvaraq hisoblanadi.
Rezident yuridik shaxslarning vakolatxonalari va (yoki) filiallariga talab qilib olinguncha depozit hisobvarag‘i ochish uchun qaysi asosiy hujjat majburiy hisoblanadi?
Bank hisobvarag‘i ochish to‘g‘risidagi ariza majburiy hujjat hisoblanadi.
Imzolar namunalari qo‘yilgan varaqcha shakli va soni kim tomonidan belgilanadi?
Imzolar namunalari qo‘yilgan varaqcha shakli va soni bankning ichki hujjatlariga muvofiq belgilanadi.
Asosiy hisobvaraqni boshqa bankda ochish uchun mijozga qaysi hisobvaraq ochiladi?
Asosiy hisobvaraqni ochayotgan bank mijozga 29801 — “Mijozlar bilan hisob-kitoblar” hisobvarag‘ini ochadi.
Metall hisobvaraqdan nima maqsadda foydalaniladi?
banklar tomonidan mijozlarga qimmatbaho metallar bilan operatsiyalarni amalga oshirish va ularni hisobini yuritish uchun ochish maqsadida.
Xo‘jalik yurituvchi subyekt asosiy hisobvaraq ochilgandan keyin ochgan hisobvaraqlari qanday hisobvaraqlar deb yuritiladi?
Asosiy hisobvaraq ochilgandan keyin milliy va chet el valyutasida ochilgan barcha talab qilib olinguncha depozit hisobvaraqlari ikkilamchi hisobvaraqlar hisoblanadi.
Vakolatxona va filiallar uchun bankka taqdim etiladigan iltimosnomada qaysi ma’lumotlar ko‘rsatilishi shart?
Iltimosnomada soliq to‘lovchining identifikatsiya raqami (STIR) va xos raqami (mijoz kodi) ko‘rsatilishi shart.
Imzolar namunalari qo‘yilgan varaqchada qaysi asosiy ma’lumotlar majburiy tarzda ko‘rsatilishi lozim?
Mijozning nomi, imzo qo‘yish vakolatiga ega shaxslarning F.I.Sh., ularning shaxsan qo‘yilgan imzolari hamda qonunchilikda talab etilgan hollarda muhr izi ko‘rsatilishi lozim.
Asosiy hisobvaraqni boshqa bankka o‘tkazish uchun mijoz bankka qanday hujjatlarni taqdim etadi?
Chek daftarchalari va to‘lov terminallari (agar mavjud bo‘lsa) qaytariladi, asosiy hisobvaraqni boshqa bankka o‘tkazish uchun ariza va asosiy hisobvaraqdagi qoldiq mablag‘ni 29801 — “Mijozlar bilan hisob-kitoblar” hisobvarag‘iga o‘tkazish bo‘yicha to‘lov topshiriqnomasi taqdim etiladi.
Mijozlar banklarda qanday turdagi bank hisobvaraqlarini ochishlari mumkin
1)talab qilib olinguncha depozit hisobvaraqlari;
2) jamgʻarma depozit hisobvaraqlari;
3) muddatli depozit hisobvaraqlari;
4) metall hisobvaraqlar va b.
Qaysi holatlarda g‘azna ijrosi bilan qamrab olingan tashkilotlarga asosiy hisobvaraq ochilmasdan bank hisobvaraqlari ochilishi mumkin?
To‘lov terminallari tushumlari, naqd pul to‘lovlari, jamg‘arma va muddatli depozitlar, bank korporativ kartalaridagi mablag‘lar, maxsus maqsadli mablag‘lar hisobini yuritish hamda qonunchilikda nazarda tutilgan boshqa hollarda ochilishi mumkin.
Yuridik shaxs davlat ro‘yxatidan o‘tgunga qadar ustav kapitalini shakllantirish uchun qaysi hisobvaraq ochiladi va u kimning murojaati asosida ochiladi?
29801 — “Mijozlar bilan hisob-kitoblar” hisobvarag‘i ta’sischilar murojaati asosida ochiladi.
Nogironligi bo‘lgan shaxslar uchun faksimil imzodan foydalanish qaysi holatda ruxsat etiladi?
Agar nogironligi bo‘lgan shaxs jismoniy nuqsonlari sababli hujjatlarni o‘z qo‘li bilan imzolay olmasa, faksimil imzodan foydalanishga ruxsat etiladi.
Asosiy hisobvaraqni boshqa bankga o‘tkazayotgan bank BDMABga qanday so‘rov yuboradi va uning amal qilish muddati qancha?
Bank, mijozning to‘lov topshiriqnomasi ijro etilgandan so‘ng, asosiy hisobvaraqni boshqa bankka o‘tkazish bo‘yicha so‘rov shakllantiradi. Ushbu so‘rov uch ish kuni davomida amal qiladi va hisobvaraq ochilmagan taqdirda so‘rov takroran yuboriladi.
Talab qilib olinguncha depozit hisobvaraq deb nimaga aytiladi?
Mijozlarning birinchi talabi bilanoq beriladigan yoki oʻtkazib beriladigan mablagʻlarning hisobi yuritiladigan bank hisobvaragʻi.
Mijozlar tomonidan bank hisobvaraqlari ochilayotganda bank bilan qanday huquqiy hujjat rasmiylashtiriladi va banklar tadbirkorlik subyektlaridan nimani talab qilishi taqiqlanadi?
Bank hisobvarag‘i shartnomasi (yoki tegishli omonat/vakillik shartnomasi) tuziladi, banklar hujjatlarni muhr bilan tasdiqlashni talab qilishga haqli emas.
Davlat ro‘yxatidan o‘tgandan so‘ng 29801 — “Mijozlar bilan hisob-kitoblar” hisobvarag‘idagi mablag‘lar bilan qanday tartibda muomala qilinadi?
Mablag‘lar yuridik shaxs topshirig‘iga asosan asosiy hisobvaraqqa o‘tkaziladi va 29801 — “Mijozlar bilan hisob-kitoblar” hisobvarag‘i yopiladi.
Imzo qo‘yish vakolatiga ega shaxslarning imzolari qanday tartibda rasmiylashtiriladi va qaysi holat bundan mustasno hisoblanadi?
Imzolar bank xodimi ishtirokida qo‘yiladi, biroq masofadan turib bank hisobvarag‘i ochilgan hollarda bu talab qo‘llanilmaydi.
29801 — “Mijozlar bilan hisob-kitoblar” hisobvarag‘idagi mablag‘lar yangi asosiy hisobvaraqga qanday o‘tkaziladi?
Mablag‘lar bank tomonidan memorial order bilan yangi asosiy hisobvaraqga o‘tkaziladi va 29801 — “Mijozlar bilan hisob-kitoblar” hisobvarag‘i yopiladi.
Jamgʻarma depozit hisobvaraqga ta'rif bering
bu mijozlarning davriy badallari asosida shakllanib, muayyan maqsadni amalga oshirish uchun jamgʻariladigan va shu maqsad uchun yoʻnaltiriladigan yoxud shartnoma bekor qilinishi natijasida qaytariladigan mablagʻlar hisobi yuritiladigan bank hisobvaragʻi.
Banklarda yuritiladigan elektron bank hisobvaraqlarini ro‘yxatga olish kitobida qaysi asosiy ma’lumotlar majburiy tarzda ko‘rsatilishi lozim?
Mijozning nomi, STIR yoki JSHSHIR, bank hisobvarag‘i raqami, hisobvaraq ochilgan va yopilgan sana hamda hisobvaraqni yopish uchun asos ko‘rsatilishi shart.
Raqamli identifikatsiya orqali rezident jismoniy shaxslarga bank hisobvarag‘i ochilganda qanday soddalashtirilgan talablar qo‘llaniladi?
Shaxsni tasdiqlovchi hujjat taqdim etilishi talab qilinmaydi va hisobvaraq ochish uchun asos bo‘lgan hujjatlar elektron shaklda saqlanadi.
Yuridik shaxsning muhrini almashtirish yoki yo‘qotish holatida bank tomonidan qanday vaqtinchalik tartib belgilanadi?
Bank vakolatli xodimi muhr tayyorlatish uchun 30 kalendar kundan oshmagan muddat beradi hamda zaruratga ko‘ra to‘lov hujjatlarini muhr izisiz rasmiylashtirishga vaqtincha ruxsat beradi.
Asosiy hisobvaraq boshqa bankka ko‘chirilganda mijozning ikkilamchi hisobvaraqlari va asosiy hisobvaraqning ma’lumotlari qanday saqlanadi?
Ikkilamchi hisobvaraqlar yopilmaydi, asosiy hisobvaraqning nazorat kalitidan tashqari barcha ma’lumotlar o‘zgarmagan holda saqlanadi.